काठमाडौं– इरानमा भइरहेको हिजाब विरोधी प्रदर्शनकारीको समर्थन गरेपछि चर्चित अभिनेत्री तारानेह अलीदोस्तीलाई गिरफ्तार गरिएको छ।
इरानको सरकारी मिडिया इरनाका अनुसार तारनेहलाई विरोध प्रदर्शनमा ‘भ्रम फैलाएको’ आरोपमा पक्राउ गरिएको हो।
तारानेह अलिदोस्तीले पछिल्लो साता आफ्नो एक इन्स्टाग्राम पोस्टमा हिजाब विरोधमा भइरहेको विरोध प्रदर्शनको समर्थन गरेकी थिइन्।
उनले इन्स्टाग्राममा आफ्नो हिजाबबिनाको एक तस्बिर राखेकी थिइन्। साथै विरोध प्रदर्शनमा सहभागी भएको आरोपमा मोहसेन शेकारीलाई दिइएको मृत्युदण्डको सजायको आलोचना गरेकी थिइन्।
मोहसेन शेकारीमाथि प्रदर्शनकारी भएको आरोप थियो। उनलाई सोही आरोपमा फाँसी दिइएको थियो। मोहसेनले सेप्टम्बरमा राजधानी तेहरानमा एक मुख्य सडक पेटीमा रोकावट पैदा गरेका थिए। साथै उनले एक अर्धसैनिक जवानलाई घाइतेसमेत बनाएका थिए।
३८ वर्षीया तारानेह अलीदोस्तीलाई आफ्नो अस्करबाट सम्मानित फिल्म ‘द सेल्समेन’ मा उनको भूमिकालाई लिएर विशेष रुपमा चिनिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
