काठमाडौं- रामेछापमा बोलेर दुर्घटना हुँदा ११ जना घाइते भएका छन्। उमाकुण्ड गाउँपालिकाको भुजीमा शनिबार बिहान ११ बजे बोलेरो दुर्घटना भएको गाउँपालिका अध्यक्ष शेरबहादुर सुनुवारले बताए।
दुर्घटनामा ११ जना घाइते भएको उनले जानकारी दिए। गम्भीर घाइतेहरुमध्ये तीन जनालाई उपचारका लागि हेलिकप्टरबाट काठमाडौं पठाइएको पनि उनले बताए।
दुर्घटनामा परेको बोलेरो लिखु तामाकोसी गाउँपालिका- १ दुरागाउँबाट उमाकुण्ड- ७ भुजीतर्फ जाँदै गरेको थियो। बा ११ च ७५९२ नम्बरको उक्त बोलेरो एकराते पहरा फास्तुमा दुर्घटनामा परेको अध्यक्ष सुनुवारले बताए।
कच्ची सडकमा गतिमा नियन्त्रण हुन नसक्दा बोलेरो करिब ५० मिटर तल खसेको थियो।
घाइते हुनेमध्ये लिखु तामाकोसी- १ का वडा सदस्य विमल सुनुवार, दुरागाउँकै विमला सुनुवार र राजकुमार थापालाई उपचारका लागि हेलिकप्टरबाट काठमाडौं पठाइएको छ।
त्यस्तै, ४ जना घाइतेहरूलाई गाडीमार्फत् काठमाडौं पठाइएको र अन्य ४ जनाको स्थानीय स्वास्थ्य चौकीमा उपचार भइरहेको सुनुवारले जानकारी दिए।
गाउँपालिकास्तरीय फुटबल प्रतियोगिता हेर्न बोलेरोमा उनीहरु गएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
