काठमाडौं– टर्कीको दक्षिणपूर्वी सानलिउर्फा प्रान्तमा शुक्रबार एउटा मिनीबस सिँचाइ नहरमा खस्दा कम्तिमा छ जना गैरकानुनी आप्रवासीको मृत्यु भएको छ।
उक्त दुर्घटनामा अन्य पाँच जना घाइते भएको स्थानीय गभर्नरले जानकारी दिएका छन्। घाइते आप्रवासीहरूको उपचार भइरहेको छ र तिनीहरूमध्ये केहीको अवस्था गम्भीर रहेको गभर्नर सालिह आयहानले जानकारी दिएका छन्।
मिनिबसबाट केही घाइते आफैं बाहिर निस्केका थिए भने केहीको घटनापछि स्थानीयको सहयोगमा उद्धार गरिएको थियो। मिनिबसमा जम्मा ३१ जना आप्रवासी सवार रहेको बुझिएको छ।
घटनास्थलबाट भाग्न खोज्ने गाडीका चालकलाई स्थानीय अधिकारीहरूले समातेर हिरासतमा राखेका छन्। आठ करोडभन्दा बढी जनसंख्या भएको टर्कीले ४० लाखभन्दा बढी शरणार्थीहरूलाई आप्रवासन सुविधा दिएको छ। केही आप्रवासीहरू वरपरको क्षेत्रको द्वन्द्वबाट भागेर टर्कीमा आउँछन् भने कोही टर्कीबाट युरोप जाने उद्देश्यले आउने गर्छन्।
टर्कीको आन्तरिक मन्त्रालयले यस महिनाको सुरुमा सार्वजनिक गरेको जानकारी अनुसार हालसम्म सन् २०२२ मा दुई लाख १९ हजार ४५५ अनियमित आप्रवासीलाई पक्राउ गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
