काठमाडौं– रुस–युक्रेन युद्धलालाई लिएर भारतीय प्रधानमन्त्री नरेन्द्र मोदीले दिएको बयानलाई अमेरिकाले स्वागत गरेको छ। प्रधानमन्त्री मोदीले कुनै पनि तरिकाले हिंसालाई नकार्दै कुटनीतिक बाटो अपनाउन जोड दिएका थिए।
अमेरिकी विदेश मन्त्रालयका विदेश प्रमुख तथा प्रवक्ता वेतान्त पटेलले भने, ‘हामी प्रधानमन्त्री मोदीको शब्दमा भरोसा गर्दै उहाँले दिनुभएको बयानलाई स्वागत गर्दछौं। रुससँगको सम्बन्धलाई लिएर अन्य देश आफ्नो निर्णय आफैं लेख्नेछन्। हामी युद्धको प्रभाव कम गर्ने सहयोगीका साथ समन्वय जारी राख्नेछौं।’
वेदान्त पटेलसँग रुस–युक्रेन युद्धमा भारतको स्थिति र प्रधानमन्त्री मोदीको युद्ध अन्त्य गर्ने बयानलाई लिएर प्रश्न सोधिएको थियो। प्रधानमन्त्री मोदी र रुसी राष्ट्रपति भ्लादीमिर पुटिनले शुक्रबार टेलिफोन वार्ता गरेका थिए।
यसैक्रममा युक्रेन युद्धलाई लिएर मोदीले वातचित र कुटनीतिक बाटो सही हुनसक्ने दोहोर्याएका थिए। यसका साथै मोदीले जी–२० को अध्यक्षता र यसबारेको तयारीबारे पनि पुटिनलाई जानकारी दिएका छन्।
यसअघि सेप्टेम्बरमा समरकन्दमा एससीओ सम्मेलनमा पनि प्रधानमन्त्री मोदीले रुसी राष्ट्रपति पुटिनसँग यो समय युद्धको नभएको बताएका थिए। उनले खाद्यान्न, ईन्धन, सुरक्षा र किटनाशक औषधिको समस्या समाधानको बाटो निकाल्न सुझाव दिएका थिए।
एक अधिकारका अनुसार समरकन्द बैठकपछि दुवै नेताले द्विपक्षीय सम्बन्धकी समीक्षा गरे। जसम उर्जा सहयोग, व्यापार र निवेश, रक्षा र सुरक्षा सहयोगबारे छलफल गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
