काठमाडौं– उपत्यका ट्राफिक प्रहरी कार्यालयले मंसिर महिनामा मात्र ६० वटा सवारी चालक अनुमतिपत्रलाई निलम्बनको लागि यातायात व्यवस्था विभाग पठाएको छ ।
सवारी तथा यातायात व्यवस्था ऐन २०४९ र नियमावली २०५४ बमोजिम चालकले पालना गर्नुपर्ने सर्त तथा नियमहरू पाँच पटकभन्दा बढी उल्लंघन गरेको पाइएकोले सोही ऐनको परिच्छेद ४ को दफा ६० बमोजिम सवारी चालक अनुमति पत्र निलम्बनका लागि यातायात व्यवस्था विभाग पठाइएको काठमाडौं उपत्यका ट्राफिक प्रहरी कार्यालय, रामशाहपथका प्रवक्ता एवम् प्रहरी वरीष्ठ उपरीक्षक राजेन्द्र प्रसाद भट्टले जानकारी दिए।
निलम्बनका लागि पठाइएकामध्ये एकजना सबैभन्दा धेरै कारबाहीमा परेका छन्। उनी ४४ पटक कारबाहीमा परेका छन्। यस्तै, ३५ पटक कारबाहीमा वपर्ने एकजना , २४ पटक परेका तीनजना , १४ पटक परेका एकजना, १२ पटक परेका सातजना, सातपटक परेका दुईजना र ६ पटक कारबाहीमा परेका ४५ जना गरी जम्मा ६० जनाका सवारी चालक अनुमतिपत्र निलम्बनको लागि यातायात व्यवस्था विभाग पठाएको हो।
उनीहरूले सवारी तथा यातायात व्यवस्था ऐनको दफा १६४ को उपदफा १ बमोजिम कसुर गरेको पाइएको थियो। ट्राफिक नियम उल्लंघन गरिरहने चालकहरूबाट नै सवारी दुर्घटना भएको तथ्याङ्कले समेत देखाएको छ।
सवारी दुर्घटनामा परेका अधिकांश सवारी चालक यसअघि पनि पटक–पटक कारबाहीमा परेकोसमेत काठमाडौं उपत्यका ट्राफिक प्रहरी कार्यालय रामशाहपथका प्रवक्ता एवम् प्रहरी वरीष्ठ उपरीक्षक राजेन्द्र प्रसाद भट्टले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1753263770.jpg)
-1764146706.png)
