उपराष्ट्रपति र निर्वाचन आयोगका पदाधिकारीबीच भेट

निर्वाचन विशेष

नेपाल लाइभ बिहीबार, मंसिर २९, २०७९ १८:०५

काठमाडौं– निर्वाचन आयोगका पदाधिकारीले उपराष्ट्रपति नन्दबहादुर पुनसँग भेटवार्ता गरेका छन्। आयोगका पदाधिकारी र उपराष्ट्रपति पुनबीच बिहिबार उपराष्ट्रपति कार्यलयमा भेट भएको हो।

प्रतिनिधि सभा तथा प्रदेश सभा निर्वाचन सम्पन्न भएको अवसरमा उक्त भेटवार्ता भएको आयोगले जारी गरेको इबुलेटिनमा उल्लेख छ।

उक्त भेटमा उपरष्ट्रपति पुनले विगतका निर्वाचनको तुलनामा यो निर्वाचन बढी व्यवस्थित, स्वच्छ, निष्पक्ष र स्वतन्त्ररूपमा सम्पन्न भएको उल्लेख गर्दै धन्यवाद दिएको आयोगले जनाएको छ।

‘उपराष्ट्रपतिले निर्वाचन एक चुनौतीपूर्ण कार्य हुँदा हुँदै पनि यो निर्वाचन विगतका निर्वाचनको तुलनामा बढी व्यवस्थित, स्वच्छ, निष्पक्ष र स्वतन्त्ररूपमा सम्पन्न भएको उल्लेख गर्दै यसले अन्तर्राष्ट्रिय जगतमा नेपाल र आयोगको प्रतिष्ठा बढेको बताउनुभयो,’ आयोगको इबुलेटिनमा उल्लेख छ, ‘उहाँले निर्वाचन शान्तिपूर्णरूपमा सम्पन्न गरी समयमै अन्तिम परिणाम घोषणा गर्न सफल भएकोमा आयोगलाई धन्यवाद दिनुभयो।’

आयोगको तर्फबाट प्रमुख आयुक्त दिनेश कुमार थपलियाले प्रतिनिधि सभा सदस्य र प्रदेश सभा सदस्य निर्वाचन परिणामसहितको प्रतिवेदन उपलब्ध गराउँदै निर्वाचनको सारसंक्षेप, असल अभ्यास एवं चुनौतीबारे अवगत गराएका थिए। उक्त भेटमा प्रमुख निर्वाचन आयुक्तसहित आयुक्तहरू ईश्वरी प्रसाद पौड्याल, रामप्रसाद भण्डारी, डा जानकी कुमारी तुलाधर, सगुन शम्शेर जबरा, आयोगका सहसचिव एवं प्रवक्ता शालिग्राम शर्मा पौडेलको उपस्थिति रहेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

विश्वकप छनोट अन्तर्गत नेपालले हङकङ संग खेल्दै

८ घण्टादेखि बिपी राजमार्ग अवरुद्ध, खोलाले बगाउँदा एक महिला बेपत्ता, खोजीकार्य जारी

मे १७ बाट पुनः सुरु हुँदै आईपीएल