सामान्य घट्यो सेयर बजार, ७७ करोड ७० लाखको कारोबार

बैंक/बिमा/सेयर

नेपाल लाइभ मंगलबार, मंसिर २७, २०७९ १५:५४

काठमाडौं– साताको तेस्रो कारोबार दिन सेयर बजार सामान्य घटेको छ। मंगलबार नेप्से २.५७ अंक घटेर १८९९.७० विन्दुमा झरेको छ।

नेप्सेसँगै यस दिन कारोबार रकम पनि घटेको छ। अघिल्लो कारोबार दिन १ अर्ब ३६ करोडको सेयर कारोबार भएकोमा मंगलबार २४८ स्टकको १६ हजार ३२० पटकको कारोबारमा ७७ करोड ७० लाख ८९ हजार रुपैयाँ बराबरको २० लाख ५८ हजार कित्ता सेयर खरिदबिक्री भएको छ।

त्यसैगरी, सेन्सेटिभ इन्डेक्स १.६३ अंक घटेको छ भने फ्लोट इन्डेक्स ०.१८ अंक, सेन्सेटिभ फ्लोट इन्डेक्स ०.३३ अंक घटेको छ। नेप्से घटेपनि यस दिन सीवाईसी लघुवित्तको सेयर सकारात्मक सर्किट लेभलमा कारोबार भएको छ

। यस लघुवित्तको सेयरमूल्य मंगलबार २०५ रुपैयाँ ४० पैसा बढेर २ हजार २६० रुपैयाँ २० पैसामा अन्तिम कारोबार भएको छ। त्यसैगरी, सान्जेन जलविद्युतको सेयरमूल्य ७.७३ प्रतिशत बढेको छ।

मंगलबार अपर तामाकोशीको ५ प्रतिशतभन्दा बढी बढेको छ। तेह्रथुम पावर कम्पनी र सिंगटी हाइड्रो इनर्जीको सेयरमूल्य ३ प्रतिशतभन्दा बढी घटेको छ।

१३ उपसमूहमध्ये यस दिन ४ उपसमूहको परिसूचक बढेको छ भने बाँकी ९ उपसमूहको परिसूचक घटेको छ। यस दिन जलविद्युत, लघुवित्त, म्युचुअल फण्ड र निर्जीवन बीमा उपसमूहको परिसूचक बढेको हो भने बाँकी उपसमूहको परिसूचक घटेको हो। यस दिन अन्य उपसमूहको परिसूचक सर्वाधिक ०.९० प्रतिशत घटेको छ।

कारोबार रकमका आधारमा मंगलबार नबिल बैंक शीर्ष स्थानमा रह्यो। सो बैंकको ७ करोड १७ लाख रुपैयाँ बराबरको सेयर खरिदबिक्री भएको छ। त्यसैगरी, नेपाल टेलिकमको ६ करोडभन्दा बढीको सेयर कारोबार भएको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री डा राणा स्वदेश फिर्ता

शेख हसिनालाई फिर्ता पठाउन भारतलाई बङ्गलादेशको आग्रह

फूलचोकी जंगलमा हराएका १३ जना भेटिए