काठमाडौं– भारत र चिनियाँ सैनिकबीच दोस्रोपटक झडप भएको छ। भारत–चीन सिमामा उनीहरुकाबीचमा झडप भएको हो।
बीबीसीका अनुसार अरुणाचल प्रदेशको याङजीको तवाङ क्षेत्रका उक्त झडप भएको हो। भारतीय सेनाका प्रवक्ताले ९ डिसेम्बर २०२२ मा यस्तो झडप भएको बताएका छन्।
भारतीय सेनाले बीबीसीलाई दिएको जानकारी अनुसार भारत र चीनका सैनिकका बीचमा झडप हुनुको कारण चिनियाँ पिएलएका सैनिकहरु अरुणाचल प्रदेशको तवाङ सेक्टरमा घुसपैठ गर्ने प्रयास गर्दा झडप भएको हो।
उताबाट घुसपैठ भएपछि भारतीय सेना तर्फबाट जवाफी कारबाही भएको सेनाले बताएको छ। उक्त झडपमा दुवै पक्षका सैनिकहरु घाइते भएको बताइएको छ।
भारतीय सेनाका अनुसार दुवै देशका सेनाहरु तत्काल घटनास्थलबाट पछि हटेका थिए। सन् २०२० को जुनमा लद्दाखको गल्वान उपत्यकामा चिनियाँ र भारतीय सैनिकबीच झडप भएको थियो। उक्त झडपमा २० जना भारतीय सैनिक मारिएका थिए।
उक्त झडपमा मारिएका आफ्ना सैनिकबारे चीनले औपचारिक जानकारी दिएको छैन। उक्त घटनापछि दुई देशका सैनिकबीच फेरि झडप भएको हो। झडपपछि शान्ति स्थापनाका लागि इलाका कमाण्डरले चिनियाँ समकक्षीसँग वार्ता गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
