काठमाडौं– कतारमा जारी विश्वकप फुटबलको क्वार्टरफाइनल अर्थात अन्मि ८ समीकरण पूरा भएको छ।
प्रि–क्वार्टरफाइनलको अन्तिम खेलमा गएराति स्विट्जरल्याण्डमाथि ६–१ को सानदार जित निकाल्दै पोर्चुगल क्वार्टरफाइालमा पुगेसँगै अन्तिम ८ समीकरण पूरा भएको हो।
पोर्चुगलसँगै मोरक्को, नेदरल्याण्ड्स, अर्जेन्टिना, फ्रान्स, इंग्ल्याण्ड, ब्राजिल र क्रोएसिया अन्तिम ८ मा पुगेका छन्।
अन्तिम ८ मा सदा झैँ युरोपियन टोलीको वर्चश्व रहेको छ। पोर्चुगल, नेदरल्याण्ड्स, फ्रान्स र क्रोएसिया गरी ५ टोली अन्तिम ८ मा पुगेका हुन्। यद्यपि, यो अघिल्लोपटकको विश्वकपमा भन्दा एक कम हो। सन् २०१८ मा रुसमा भएको विश्वकपमा ६ युरोपियन टोलीले अन्तिम ८ मा स्थान बनाएका थिए।
यस्तै, दक्षिण अमेरिकाबाट ब्राजिल र अर्जेन्टिना गरी २ तथा अफ्रिकाबाट एउटा टोली अन्तिम ८ मा पुगेको छ। त्यो मोरक्को हो। सन् २०१० पछि पहिलोपटक अफ्रिकी टोलीले अन्तिम ८ मा स्थान बनाएको थियो। त्यो बेला घाना क्वार्टरफाइनलमा पुगेको थियो।
एसिया र उत्तर अमेरिकी क्षेत्रबाट भने कुनै पनि टोलीले अन्तिम ८ मा स्थान बनाउन सकेनन्। एसियाबाट जापान, अष्ट्रेलिया दक्षिण कोरिया अन्तिम १६ बाटै आउट भए। यस्तै, उत्तर अमेरिकी देश अमेरिका पनि अन्तिम १६ भन्दा अगाडि बढ्न सकेन।
अब क्वार्टरफाइनलका खेलहरू शुक्रबारदेखि सुरु हुनेछन्। शुक्रबार क्वार्टरफाइनलका दुई खेल हुनेछन्। जसमा ब्राजिल र क्रोएसिया साँझ ८ः४५ बजे भिड्नेछन्। अर्जेन्टिना र नेदरल्याण्ड्सबीच १२ः४५ बजे दोस्रो खेल हुनेछ।
यसैगरी पोर्चुगलले सेमिफाइनल प्रवेशका लागि शनिबार मोरक्कोसँग प्रतिस्पर्धा गर्नेछ। यो खेल साँझ ८ः४५ बजे हुनेछ। शनिबार नै इंग्ल्याण्ड र फ्रान्सबीच अर्को खेल हुनेछ। यो खेल मध्यराति १२ः४५ बजे हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
