दोहा– सेनेगलसँग धेरै प्रतिभाशाली खेलाडीहरु छन्। आइतबार हुने इंग्ल्याण्डविरुद्धको खेलका लागि अफ्रिकी च्याम्पियनको सबैभन्दा ठूलो हतियार भनेको उनीहरुको मानसिकता हो।
यस वर्ष दुई ठूला प्रतियोगिता जितेर अलिउ सिसको टिमले आफूलाई विजेता बनाइसकेको छ। ती दुई ठूला प्रतियोतामध्ये एक हो, गत फ्रेबुअरीमा अफ्रिका कप अफ नेसन्समा इजिप्टलाई हराएर पहिलोपटक च्याम्पियन र विश्वकप छनौटमा इजिप्टलाई नै हराएर छनौट।
उनीहरुसँग उत्कृष्ट प्रशिक्षक छन् भने खेलाडीहरुसँग सामूहिक भावना छ। त्यसैले उनीहरु यो प्रतियोगितामा जे भए पनि खुसी मनाइरहेका हुनेछन्। तिनीहरुलाई असफलताको डर छैन। किनभने उनीहरुले दुई महत्त्वपूर्ण सफलता पहिल्यै पाइसकेका छन्। आजको खेलमा प्रेसर जति सबै इंग्ल्याण्डको टोलीमा हुनेछ।
मैले सन् २०२२ को सुरुमा बीबीसीका लागि अफ्रिका कप अफ नेसन्सको कभरेज गरेँ। उक्त कभरेज अफ्रिकी टोलीको क्षमता बुझ्नका लागि साँच्चीकै रोचक थियो। मैले आइभरीकोस्टबाट खेल्ने याया टुरे र उनका भाइ कोलो र क्यामरुन तथा आर्ससन क्लबका पूर्व राइटब्याक लरेनसँग धेरै कुरा गरेँ।
कुराकानीका क्रममा उनीहरुले ब्याख्या गरे कि आइभरीकोस्ट वा नाइजेरिया जस्ता परम्परागत बलिया टोलीहरुविरुद्ध इजिप्ट, ट्युनिसिया जस्ता उत्तर अफ्रिकी टोलीहरुले निकै संघर्ष गरेका थिए। किनभने उनीहरुसँग आइभरीकोस्ट, नाइजेरियाको जस्तो फुटबलको बलियो संगठन थिएन, खेलका लागि खेलाडी आफैंमा बढी भर पर्नुपर्ने अवस्था थियो।
विजेता बन्नका लागि टिममा मनोबल उच्च हुनुपर्छ। संगठित हुनुपर्छ। कुनै १ जना सुपरस्टारको भरमा भन्दा पनि समूहमा बढी निर्भर हुनुपर्छ। अहिलेको सेनेगल टिमसँग यी सबै चिज छन्। यदि बार्यन म्युनिख तथा लिभरपुलका पूर्व स्ट्राइकर साडिओ माने कतारमा खेल्नका लागि फिट भएको भए उनीहरु थप बलियो हुने थिए। अर्कोतर्फ सेनेगलका लागि एभर्टनका मिडफिल्डर इड्रिसा गुएईको निलम्बन अर्को झड्का हो। यति हुँदा पनि सेनेगलसँगै तिनीहरुको विकल्पमा खेल्नसक्ने खेलाडी छन्।
चेल्सीबाट खेल्ने गोलरक्षक इडुवार्डो मेन्डी, चेल्सीबाटै खेल्ने प्रभावशाली डिफेन्डर कालिडो कौलिबालीजस्ता खेलाडीले सेनेगल बलियो छ।
मलाई लाग्छ कि खेलमा इंग्ल्याण्डले प्रभुत्व जमाउनेछ। धरैजसो उनीहरुकै खुट्टामा बल नियन्त्रण हुनेछ। तर म सेनेगललाई यो प्रतियोगितामा हामीले अहिलेसम्म सामना गरेको भन्दा धेरै ठूलो खतरनाक रुपमा हेरेको छु।
अमेरिका पनि खतनाक थियो। तर उनीहरुले सोचेअनुसार राम्रो गर्न सकेनन्। तर मलाई लाग्छ सेनेगलले काउन्टर अट्याकमा ग्यारेथ साउथगेटको टिमलाई समस्या दिन सक्छ।
इंग्ल्याण्डले आफैंमा ध्यान केन्द्रित गनुपर्छ। सेनेगलले पक्कै पनि इंग्ल्याण्डका सबै प्रतिभाशाली खेलाडीहरुलाई कसरी रोक्ने भन्ने कुरा सोचेको हुनुपर्छ। यो कुरामा ग्यारेथ साउथगेट बढी सजह हुनुपर्छ।
समूह चरणको जस्तो गल्ती गर्ने छुट अब टिममा छैन। इंग्ल्याण्डले गति बढाउन आवश्यक छ। सेनेगलविरुद्ध जित निकालेको अवस्थमाा हाम्रो भेट फा्रन्ससँग हुनसक्छ। जसकारण हामीले गति बढाउनु आवश्यक छ।
पहिलो हाफमा भएको खराब खेलबाट उत्कृष्ट पुनरागमन गर्न सक्ने क्षमता इंग्ल्याण्डको टोलीमा छ। किनभने बेन्चमा उत्कृष्ट खेलाडीहरु छन्। वेल्सविरुद्ध दोस्रो हाफमा उत्कृष्ट प्रदर्शन गरेजस्तै पुन गर्नेसक्ने क्षमता इंग्ल्याण्डको टोलीमा छ।
व्यक्तिगत रुपमा म मेसन माउन्टभन्दा पनि फिल फोडेनलाई पहिलो रोजाइमा खेलाएको हेर्न चाहन्छु। किनभने मलाई विश्वास छ कि माउन्ट जे गर्छन् त्यो फोडेनले गर्न नसक्ने भन्ने छैन। हो माउन्टले ब्याक ट्रयाक गर्छन् त्यो फोडेनले पनि गर्छन्। अर्कोतफ म मार्कुस रास्फोर्डलाई खेलाएको हेर्न चाहान्छु। उनको गति हेर्दा मात्र पनि अन्य टोली दबाबमा आउनेछन्।
तर मलाई लाग्छ कि कोचले रास्फोर्ड र फोडेनलाई गेम चेञ्जरको रुपमा बेन्चबाट छिराउने छन्। म कोच साउथगेटलाई दोष दिन्नँ। मलाई लाग्छ हामीसँग धेरै राम्रा खेलाडीहरु छन्। त्यसैले उनीहरुलाई किन खेल्न नदिने भन्ने मात्र हो। तीमध्ये २ हुन् रास्फोर्ड र फोडेन।
बीबीसीका स्पोर्टस् रिपोर्टर जर्मेन जोनसको टिप्पणीको भानुवाद
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752319244.png)
-1749826086.png)
