काठमाडौं– नेपालकै अग्रणी तथा सर्वाधिक ओपिसी सिमेन्ट बिक्री गर्न सफल शिवम् सिमेन्टले सफलताको सम्पूर्ण श्रेय ग्राहकलाई दिँदै ‘शिवम्सँग उपहार टन्न’ नामक सर्वाधिक धनराशिको ग्राहकमुखी आकर्षक उपहार योजना सार्वजनिक गरेको छ।
‘शिवम्सँग उपहार टन्न’ नामको यो योजनाअन्तर्गत प्रत्येक २० बोरा शिवम् सिमेन्टको खरिदमा ग्राहकले एउटा हात खाली नहुने स्क्य्राच कुपन प्राप्त गर्नेछन्। उक्त कुपन स्क्य्राच गरी २०० देखि ५०० सय रुपैयाँसम्म नगद वा १५ ग्राम चाँदीको सिक्का वा २.५० ग्रामदेखि ५ ग्रामसम्म सुनको सिक्का वा सुनको सिक्री उपहार जित्न सक्नेछन्।
यस्तै सोही कुपनको आधारमा ग्राहकले मासिक लक्की ड्र तथा मेगा लक्की ड्रमासमेत गरी एउटै कुपनबाट ३ पटकसम्म उपहार जित्ने मौका पाउने शिवम् सिमेन्टले जनाएको छ।
जस अनुसार हरेक महिनाको लक्की–ड्र मार्फत् पहिलो पुरस्कार २ जोडी भाग्यशाली ग्राहकलाई थाइल्यान्ड भ्रमण, दोस्रो पुरस्कार ४ जोडी विजेतालाई हेलिटुर, तेस्रो पुरस्कार ६ जनालाई आधा किलो चाँदी, चौथो पुरस्कार ८ जनालाई हिराको औंठी तथा पाँचौं पुरस्कार १० जोडीलाई माउन्टेन फ्लाइटको उपहार प्रदान गरिनेछ।
तर अन्तिम महिनामा प्राप्त कुपनहरु मासिक लक्की ड्रमा समावेश नभई मेघा लक्की ड्रमा मात्र समावेश गरिने बताइएको छ। मासिक लक्की ड्रमा समावेश भएको तर उपहार जित्न नसकेको कुपन योजनाअन्तर्गतको अन्तिम महिनाको कुपनसँगै मेगा लक्की ड्रमा पुनः समावेश गरिनेछ भने मेगा लक्की ड्र मार्फत २ जनालाई ५ तोला सुन, ४ जनालाई ३ तोला सुन, ६ जनालाई २ तोला सुन, ८ जनालाई १ तोला सुन र १० जनालाई आधातोला सुन उपहारमा प्रदान गरिने छ।
लक्की ड्रको कुपनमा उल्लेखित विवरण र मोबाइल नम्बरको आधारमा विजेता घोषणा गरिने र सोही आधारमा ग्राहकले उपहार दाबी गर्नसक्ने कम्पनीले जनाएको छ।
यो उपहार योजना मंसिर १८ देखि नेपालभरी लागू गरिएको छ। स्क्य्राचमार्फत् हातखाली नजाने पक्का उपहार अन्तर्गतको नगद उपहार सिमेन्ट खरिद गर्ने वितरकबाट तुरुन्तै प्राप्त हुने तथा सुन र चाँदीको लागि मोबाइल नम्बर ९८०१११४६५८ मा सम्पर्क गरी शिवम् सिमेन्टको बिक्री कार्यालयहरूबाट प्राप्त गर्न सकिने व्यवस्था मिलाइएको कम्पनीले जनाएको छ।
एक पटक पक्का पर्ने र तीन पटकसम्म जित्न मौका मिल्ने यो योजनाले ग्राहकहरुलाई थप हौसला र खुसी प्रदान गर्ने विश्वास कम्पनीले लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1758539596-1762682671.jpeg)
-1764047408.gif)
-1763721444.png)
-1763559424.jpg)
-1763559424.jpg)
