एजेन्सी– अर्जेन्टिनाका सुपरस्टार फुटबलर लियोनल मेसी र पोल्याण्डका अर्का सुपरस्टार फरवार्ड रोर्बटो लेवान्डोस्कीका टिम बुधबार एक–अर्काविरद्ध मैदानमा उत्रिएका थिए।
कतारमा जारी २२ औं संस्करणको विश्वकप फुटबल चरणको अन्तिम खेलमा यी दुई स्टार खेलाडीका टोली एक–आपसमा उत्रिँदा अर्जेन्टिनाले जित आफ्नो पोल्टामा हालेको थियो।
पोलिस टिमलाई २–० ले हराएर समूह विजेता बन्दै अर्जेन्टिना नकआउट चरणमा गयो भने हारका बाबजुद पनि पोल्याण्ड गोल अन्तरका आधारमा नकआउट चरणमा पुग्यो।
खेल सकिएपछि यी दुई भेट्रान फरवार्डले मैदानमा केही समय कानेखुसीसमेत गरेका थिए । यी दुईबीच मैदानमा के कुरा भयो भन्ने निकै चासोका साथ हेरिएको छ।
खेल सकिन केही समय बाँकी हुँदा बल ड्रिबलिङ गर्ने बेला लेवान्डोस्कीले मेसीलाई फउल गर्न पुगेका थिए। त्यसपछि लेवान्डोस्की सरी भन्दै मेसी भएको ठाउँमा पुगेका थिए। तर मेसीले त्यतिबेला वास्ता गरेनन्।
तर, जब खेल सकियो त्यसपछि यी दुईले कानेखुसी र एकअर्कामा अंकमाल गरे। यो घटनाबारे पहिल्यै मेसीलाई सोधिएको थियो। ‘खेल मैदानभित्र र बाहिर सबैलाई सम्मान गर्छु। र, कुनै समस्या छैन’, स्पेनिस रेडियो ओन्डा सेरालाई मेसीले भने। यद्यपि, लेवान्डोस्कीसँग के कुरा भएको थियो भन्नेबारे मेसीले केही खुलाउन चाहेनन्।
‘त्यहाँ केही भएन। उनी स्पेनिस बोल्दैनन्। मैदानमा हुने सबै कुरा मैदानमै रहन्छ। ड्रेसिङ रुममा हुने कुरा त्यही रहन्छ। म यहाँ केही पनि बताउने छैन’, मेसीले भने।
यस विषयमा पोलिस प्रेसले लेवान्डोस्कीलाई पनि प्रश्न गरेको थियो। ‘यो निकै रोचक लडाइँ थियो। लियोसँगको कुरा एउटा जिज्ञासु क्षण थियो। हामीले केही शब्द साटासाट गर्यौं। तर, खास केही छैन’, लेवान्डोस्कीले भने।
स्पेनिस पत्रिका मार्काले दाबी गरेको छ कि विगत केही समयदेखि मेसी र लेवान्डोस्कीबीच मतभेद थियो। सन् २०२१ को बालोन डिओर अवार्ड मेसीले जितेका थिए। तर, सन् २०२० मा कोरानाका कारण बोलोन डि‘ओर कारण स्थगित भएकाले उक्त अवार्ड लेवान्डोस्कीलाई जानुपर्ने भन्ने थियो। तर, उनी त्यो वर्ष ठगिए। अर्को वर्षको अवार्ड भने मेसीले पाएका थिए।
मेसी र लेवान्डोस्कीबीच यस्तै विषयमा कुराकानी भएको हुनसक्ने दाबी मार्काले गरेको छ।
अर्कोतर्फ लेवान्डोस्कीले सन् २०२१ मा ‘फिफा द बेस्ट’को अवार्ड पाउँदा मेसीले भोट दिएका थिएनन्। जसबाट पनि उनीहरूको सम्बन्धमा केही मतभेद रहेको बुझ्न सकिने दाबी मार्काको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752222253.png)
-1752221006.png)
-1752221477.png)
-1752043710.jpg)
-1749826086.png)
