सत्तापक्षले गरेको धाँधलीलाई निर्वाचन आयोगले वैधता दियो : महासचिव पोखरेल

राजनीति

नेपाल लाइभ बिहीबार, मंसिर १५, २०७९ ०९:१८

काठमाडौं– नेकपा एमालेका महासचिव शंकर पोखरेलले स्याङ्जा र बाजुरमा स्थगित भएको मतगणना निर्वाचन आयोगले गणनाका लागि निर्देशन दिएकोमा आपत्ति जनाएका छन्।

उनले निर्वाचन आयोग सत्तापक्षसँग मिलेको आरोप लगाएका छन्। यी दुई जिल्लामा एमालेले पुन: मतदान गर्न माग गरेको थियो। तर आयोगको बुधबार बसेको बैठकले मतगणना अघि बढाउने निर्देशन दिएको थियो।

समाजिक सञ्जालमा असन्तुष्टि पोख्दै महासचिव पोखरेलले आयोगले सत्तापक्षको धाँधलीलाई वैधता प्रदान गर्नुले गम्भीर चिन्ता बढाएको टिप्पणी गरेका छन्।

उनले भनेका छन्, ‘स्याङ्जा र बाजुरामा सत्तापक्षले सेटिङ मिलाएर गरेको नाङगो धाँधलीलाई निर्वाचन आयोगले वैधता प्रदान गर्नुले गम्भीर चिन्ता बढाएको छ।’

आयोगको निर्देशनपछि स्याङ्जामा हिजैदेखि मतगणना सुरु भएको छ। यता बाजुरामा भने सर्वदलीय बैठक चलिरहे पनि सहमति जुट्न सकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

समाजवादी मोर्चाले माघ १६ गते राजधानीमा कार्यक्रम गर्ने

नासाले सर्वाधिक तातो वर्षको पुष्टि गर्यो

अधिवक्ता त्रिपाठीमाथि हातपातको घटनामा संलग्न व्यक्त पार्टीको सदस्य भेटिए रास्वपाले कारबाही गर्ने