१६१ निर्वाचन क्षेत्रको मत परिणाम सार्वजनिक, कुन दलले कति सिट जिते?

राजनीति

नेपाल लाइभ बुधबार, मंसिर १४, २०७९ ०८:०८

काठमाडौं– मंसिर ४ गते सम्पन्न प्रतिनिधि सभा निर्वाचनमा १६५ निर्वाचन क्षेत्रमध्ये बुधबारसम्म १६१ निर्वाचन क्षेत्रको मत परिणाम सार्वजनिक भइसकेको छ।

अब चारवटा मात्र क्षेत्रको नतिजा आउन बाँकी छ। सुनसरी–४ मा मतगणना जारी छ। करिब अन्तिममा पुगेको मतगणनामा कांग्रेसका उम्मेदवार तथा सञ्चारमन्त्री ज्ञानेन्द्रबहादुर कार्कीको अग्रता कायम छ।

कार्कीले २५ हजार ९ सय ४४ मत ल्याएका छन्। उनका प्रतिस्पर्धी नेकपा एमाले जगदीशप्रसाद कुसियैतले २५ हजार ६ सय २२ मतसहित पछ्याइरहेका छन्।

दोलखा, स्याङ्जा र बाजुरामा भने विवादका कारण मतगणना नै सुरु भएकै छैन।

मतगणना सकिएका १६१ क्षेत्रमध्ये ५४ ठाउँमा जित निकाल्दै कांग्रेस पहिलो स्थानमा रहेको छ। यस्तै नेकपा एमालेले ४४, माओवादी केन्द्र १७ र नेकपा एकीकृत समाजवादीले १० ठाउँमा जित हासिल गरेका छन्।

राष्ट्रिय स्वतन्त्र पार्टी, राप्रपा र जसपा ७/७ ठाउँमा विजयी भएका छन्। स्वतन्त्र उम्मेदवारले ५ ठाउँमा जितेका छन्। लोकतान्त्रिक समाजवादी पार्टी लोसपाले ४ ठाउँमा जितेको छ। नागरिक उन्मुक्ति पार्टीले ३ ठाउँमा जितेको छ। जनमत पार्टी, राष्ट्रिय जनमोर्चा र नेपाल मजदुर किसान पार्टीले एक/एक ठाउँमा जितेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिसो बढ्यो, सतर्कता अपनाउन अनुरोध

सहकारी ठगी प्रकरण: आज पनि रास्वपा सभापति लामिछानेको बयान हुँदै

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह