काठमाडौं– उरुग्वेमाथि २–० को जित निकाल्दा पोर्चुगिज स्टार ब्रुनो फर्नान्डेस वा क्रिस्टियानो रोनाल्डोको जति चर्चा भयो त्यो बढी चर्चाको पात्र थिए, इटालियन मारियो फेरा।
किनभने फर्नान्डेस वा रोनाल्डोको कपालले बललाई छोएर गोल गरेको भन्ने विवाद चल्नुभन्दा केही समय अघि मारियो ‘रन्बो’ कलरको झण्डा र टिर्सट लगाएर स्टेडियम ९७४ मा दौडिए। जहाँ दुई सन्देश लेखिएका थिए, ‘युक्रेन बचाउ र इरानी महिलाको सम्मान गर।’
यौनिक तथा लैंगिक अल्पसंख्यक समुदाय ‘एलजिबिटीक्यू’को समर्थन लगिएको उक्त झण्डा मारियोले मैदानमै छाडेका थिए। सुरक्षाकर्मीले तत्कालै उनलाई नियन्त्रणमा लिएर मैदानबाट निकालेका थिए। कतारले ‘एलजिबिटीक्यू’ समुदायमाथि विभेद गरेको भन्दै उनले त्यसको विरोध मैदानमै पुगेर गरे।
रंगशालाका कर्मचारीले उक्त झण्डा हटाउनुअघि इरानी रेफ्रीले उक्त झण्डा समातेका थिए। ‘एलजिबिटीक्यू’ समुदायको समर्थनमा मैदानमा खेलाडीहरुले गतिविधि गरेमा फिफाले कारबाही गर्नेसम्मको धम्की दिएको थियो।
‘एलजिबिटीक्यू’ समुदायको समर्थनमा सात देशका कप्तानले ‘वनलभ’ लेखिएको आर्मब्याण्ड लगाउने निर्णय गरेका थिए। तर, फिफाले कारबाही गर्ने चेतावनी दिएपछि उनीहरु पछि हटेका थिए।
कडा सुरक्षाका बीच पनि ‘एलजिबिटीक्यू’ समुदाय र महिलाको सम्मानको सन्देश दिँदै मैदानमा दौडने मारियो को हुन् भन्दै चर्चा सुरु भयो। खोजबिनका क्रममा उनी पूर्वखेलाडी समेत रहेको खुलेको छ।
यौनिक तथा लैंगिक अल्पसंख्यक समुदायका एक्टिभिस्ट समेत रहेका मारियो इटालीको पेस्कारामा सन् १९८७ अप्रिल १३ मा जन्मिएका थिए। उनी भारतको दोस्रो डिभिजनको क्लब युनाइटेड स्पोर्टसबाट फुटबल खेल्दै आएका थिए।
कोराना भाइरसका कारण लिग बन्द भएपछि उनी आफ्नो देश इटाली फर्केका थिए। त्यसपछि उनी ‘एलजिबिटीक्यू’को अधिकारकर्मीको रुपमा चिनिएका थिए। उनी इटालीका पूर्वस्ट्राइकर एन्टोनी क्यासानाको ठूलो फ्यान हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
