काठमाडौं– मोरङको निर्वाचन क्षेत्र नम्बर १ मा प्रतिनिधि सभातर्फको अन्तिम मत परिणाम सार्वजनिक भएको छ। उक्त क्षेत्रमा नेपाली कांग्रेसका उम्मेदवार डिगबहादुर लिम्बू विजयी भएका छन्।
लिम्बूले नेकपा एमालेका प्रदेश कमिटीका सदस्य तथा निवर्तमान सांसद घनश्याम खतिवडालाई पराजित गरेका हुन्।
डिगबहादुर लिम्बू (कांग्रेस)– २७२९७
घनश्याम खतिवडा (एमाले)– २६८६७
मतान्तर ४३०।
खतिवडा र लिम्बूबीच यो तेस्रो प्रतिस्पर्धा हो। ०७० मा लिम्बूले र ०७४ मा खतिवडाले जित निकालेका थिए। बराबर जित निकालेका यी दुईले यो जितपछि लिम्बूले १ जितको अग्रता ल्उिका छन्।
को हुन् लिम्बू?
५९ वर्षीय लिम्बू कांग्रेस मोरङका सभापति हुन्। उनले ०७० को संविधान सभा निर्वाचनमा एमालेका खतिवडालाई नै पराजित गरेका थिए। तर, ०७४ को प्रतिनिधि सभा निर्वाचनमा उनै खतिवडासँग पराजित भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
