सञ्चारमन्त्री कार्कीले धाँधली भएको आरोप लगाएपछि सुनसरी–४ को मतगणना अनिश्चितकालका लागि स्थगित

राजनीति

नेपाल लाइभ शनिबार, मंसिर १०, २०७९ २०:११

काठमाडौं– सुनसरी निर्वाचन क्षेत्र नम्बर ४ को मतगणना रोकिएको छ। मुख्य निर्वाचन अधिकृतको कार्यालयले अनिश्चितकालका लागि मतगणना स्थगित गर्ने निर्णय गरेको हो।

कांग्रेस उम्मेदवार रहेका सूचना तथा सञ्चारप्रविधिमन्त्री ज्ञानेन्द्रबहादुर कार्कीले मतगणनाका क्रममा धाँधली भएको आरोप लगाएपछि एमालेसँग विवाद भएको थियो। त्यसपछि मतगणना रोकिएको थियो।

त्यसपछि बसेको सर्वदलीय र सर्वपक्षीय छलफलमा पनि विवाद हुँदा मतगणना अनिश्चितकालका लागि रोकिएको मुख्य निर्वाचन अधिकृतको कार्यालयले जनाएको छ।

सरकारका प्रवक्तासमेत रहेका कार्कीले ६०६ मत एमालेले धाँधली गरेको आरोप लगाएका छन्। शुक्रबारराति मतगणनाका क्रममा हुँदै नभएको ६०६ मत एमाले उम्मेदवार जगदीशप्रसाद कुसियैतकोमा जोडेको उनको आरोप छ।

यस क्षेत्रमा धाँधलीको आरोप लगाएका सञ्चारमन्त्री कार्की नै ७१ मतले अघि छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज