काठमाडौं– प्रतिनिधि सभाको २८ वटा निर्वाचन क्षेत्र रहेको प्रदेश १ मा ८ वटा क्षेत्रको नतिजा आउन बाँकी छ। यी ८ क्षेत्रमा पूर्वप्रधानमन्त्री-उपप्रधानमन्त्री, पूर्व सभामुख, तथा वर्तमान सरकारका २ मन्त्रीको नतिजा आउन बाँकी छ।
नतिजा आउन बाँकी क्षेत्रहरू
इलाम–१
यो क्षेत्रमा एकीकृत समाजवादीका सम्मानित नेता तथा पूर्व प्रधानमन्त्री झलनाथ खनाल प्रतिस्पर्धामा छन्। उनीसँग नेकपा एमालेका महेश बस्नेतले प्रतिस्पर्धा गरिरहेका छन्। सुरुवाती मतगणनादेखि नै बस्नेतले अग्रता कायम गरेका छन्।
लगातार पछि पर्दै गएपछि समाजवादीका नेता खनालले निर्वाचन बहिस्कार गरेका छन्। चुनावमा धाँधली भएको भन्दै उनले पुन: मतदानको माग गरेका छन्।
झलनाथ खनाल–१७०५१/एस
महेश बस्नेत-१९३५२/एमाले
इलाम–२
यहाँ पूर्व सभामुख तथा एमाले नेता सुवास चन्द्र नेम्वाङ कांग्रेसका डम्बर खड्कासँग प्रतिस्पर्धामा छन्। यी दुई उम्मेदवारबीच कडा प्रतिस्पर्धा भइरहेको छ। केही समयअघि खड्काले अग्रता लिएका थिए।
मतगणनाको सुरुवातदेखि नै यहाँ दुई उम्मेदवारबीच अग्रता फेरबदल भइरहेको छ। बीचमा नेम्वाङले ५–७ सयको अग्रता लिएका थिए। तर खड्काले मतान्तरलाई निकै साँघुर्याएका छन्।
सुवास चन्द्र नेम्वाङ–२९१३५/ एमाले
डम्बर खड्का–२९००५/कांग्रेस
सुनसरी–३
यो क्षेत्रमा कांग्रेस नेता विजय गच्छदार प्रतिस्पर्धामा छन्। विभिन्न समयमा मन्त्री भएका गच्छदार ५ पटक उपप्रधानमन्त्री भइसकेका छन्। नेकपा एमालेकी भगवती चौधरीले उनलाई फराकिलो मतान्तरले पछि पारेकी छन्।
यी दुई उम्मेदवारबीच करिब पाँच हजारको मतान्तर रहेको छ। ०४८ पछिका सबै निर्वाचनबाट सांसद बनेका गच्छदार यसपटक मतगणनाको सुरुवातदेखि नै पछि परेका हुन्।
विजय गच्छदार–१२४८४/कांग्रेस
भगवती चौधरी–१७०३१/ एमाले
सुनसरी–२
यो क्षेत्रमा नेकपा एमालेका नेता तथा प्रदेश १ सरकारका पूर्व मुख्यमन्त्री भीम आचार्य नेपाली कांग्रेसका नेता सीताराम महतोसँग प्रतिस्पर्धामा छन्।
आचार्यले करिब पाँच हजारको मतान्तरले अग्रता लिएका छन्।
भीम प्रसाद आचार्य–२९०१४/एमाले
सीताराम महतो-२४१३४/कांग्रेस
सुनसरी–४
यो क्षेत्रमा नेपाल सरकारका सञ्चारमन्त्री ज्ञानेन्द्र बहादुर कार्की प्रतिस्पर्धामा छन्। नेकपा एमालेका जगदिश कुसियैत र कार्कीबीच अग्रता फेरबदल भइरहेको छ। निकै कम मतान्तरको प्रतिस्पर्धाले यस क्षेत्रमा सबैको चासो बढेको छ।
ज्ञानेन्द्र बहादुर कार्की–२३४३९/ कांग्रेस
जगदिश कुसियैत–२३३४१/एमाले
उदयपुर-१
यो क्षेत्रमा पनि नेपाल सरकारका परराष्ट्रमन्त्री नारायण खड्का प्रतिस्पर्धामा छन्। उनलाई नेकपा एमालेकी मञ्जुकुमारी चौधरीले पछ्याइरहेकी छन्। खड्काले सुरुबाटै अग्रता लिइरहेका छन्। यी दुई उम्मेदवारबीच करिब दुई हजारको मतान्तर रहेको छ।
नारायण खड्का–२५११४/कांग्रेस
मञ्जुकुमारी चौधरी–२३३१८/एमाले
यी क्षेत्रबाहेक मोरङ–१ र सुनसरी–१ मा पनि मतगणना जारी रहेको छ। जहाँ झिनो मतले कांग्रेसका डिकबहादुर लिम्बूले अग्रता लिएका छन्।
मोरङ–१
घनश्याम खतिवडा–२४१३५/एमाले
डिगबहादुर लिम्बु–२४३१३/कांग्रेस
सुरूबाट शनिबार बिहानसम्म खतिवडाको अग्रता थियो तर पछिल्लो समयमा लिम्बूले अग्रता लिएका छन्।
सुनसरी–१
अशोक कुमार राई-८७०३/जसपा
गोमा तामाङ–१०१५६/रास्वपा
यो क्षेत्रमा सुरूवातीबाटै तामाङको अग्रता छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
