काठमाडौं– गण्डकी प्रदेशका ११ जिल्लामा स्याङ्जाको एक क्षेत्र बाहेक अन्यमा मतगणना सम्पन्न भएको छ।
स्याङजा–२मा नेपाली कांग्रेसका उपाध्यक्ष धनराज गुरुङ र सचिव पद्मा अर्याल उम्मेदवार छन्। उक्त क्षेत्रमा निर्वाचनमा धाँधली भएको भन्दै नेकपा एमालेले विरोध गरिरहेको छ।
उक्त क्षेत्रबाहेक अन्यमा हेर्दा मंसिर ४ गते भएको निर्वाचनमा प्रतिनिधि सभातर्फ एमाले ०७४ भन्दा कमजोर भएको छ। ०७४ सालमा प्रतिनिधि सभातर्फ एमालेले १३ स्थानमा जित हात पारेको थियो।
यस पटक ५ सिटमा सीमित भएको छ। नेकपा एमालेले यस पटक कास्कीका ३ क्षेत्र र पर्वत र लमजुङमा मात्र जितेको छ। ०७४ सालमा एमालेले कास्कीका तीनै क्षेत्र, स्याङजाका २ क्षेत्र, तनहुँको २ क्षेत्र मनाङ, मुस्ताङ, नवलपरासी पूर्व, म्याग्दी, बाग्लुङ र पर्वतमा जितेको थियो।
तर यस पटक बाग्लुङ, नवलपरासी पूर्व, स्याङजाको एक क्षेत्र, मनाङ, मुस्ताङ गुमाएको छ।
यस पटक गण्डकी प्रदेशमा नेपाली कांग्रेस बलियो देखिएको छ। कांंग्रेसले ०७४ सालमा प्रतिनिधि सभातर्फ १ क्षेत्रमा मात्र जितेको थियो। यस पटक ९ क्षेत्रमा जित हात पारेको छ। कांंग्रेसले प्रतिनिधि सभातर्फ ८ क्षेत्र थपेको छ। माओवादी केन्द्रले ०७४ सालमा ३ क्षेत्र जितेको थियो।
यस पटक एक गुमाएको छ। माओवादीले २ क्षेत्रमा मात्र जित हात पारेको छ। गोरखामा अध्यक्ष पुष्पकमल दाहाल प्रचण्ड र बाग्लुङमा देवेन्द्र पौडेलले मात्र जित हात पारे।
एकीकृत समाजवादी शून्य
सत्ता गठबन्धनको भागबन्डाको क्रममा एमालेबाट विभाजन भएर बनेको एकीकृत समाजवादीले एक सिट पाएको थियो। कास्कीको क्षेत्र–२मा समाजवादीले भाग पाएको थियो। तर उक्त निर्वाचनमा पनि एकीकृत समाजवादीको उम्मेदवार पराजित भए। नेकपा एमालेकी विद्या भट्टराईसँग एकीकृत समाजवादीका उम्मेदवार श्रीनाथ बराल पराजित भए।
एमाले उम्मेदवार भट्टराईले १६ हजार ९ सय ९८ मत पाइन् भने एकीकृत समाजवादीका बरालले ९ हजार ६ सय ५९ मत मात्र प्राप्त गरे। उनी भन्दा अघि राष्ट्रिय स्वतन्त्र पार्टीका उम्मेदवार माधवप्रसाद कडेँल भए। घन्टी चिह्नबाट उनले १२ हजार ४ सय ९५ मत प्राप्त गरे।
यस्तो छ जिल्लागत तथ्याङ्क:
नवलपरासी पूर्व
१ शंशका कोइराला/ कांग्रेस
२ विष्णुकुमार कार्की/ कांग्रेस
तनहुँ
१ रामचन्द्र पौडेल/ कांग्रेस
२ शंकर भण्डारी/ कांग्रेस
गोरखा
१ राजेन्द्र बजगाईं/ कांग्रेस
२ पुष्पकमल दाहाल प्रचण्ड/माओवादी केन्द्र
लमजुङ
पृथ्वीसुव्वा गुरुङ/ एमाले
स्याङजा
१ राजु थापा/ कांग्रेस
२ गणना बाँकी
पर्वत
पदम गिरी/एमाले
कास्की
१ मनबहादुर गुरुङ/एमाले
२ विद्या भट्टराई/एमाले
३ दामोदर पौडेल वैरागी/एमाले
मनाङ
टेकबहादुर गुरुङ/कांग्रेस
मुस्ताङ
योगेश गौचन थकाली /कांग्रेस
म्याग्दी
खमबहादुर गर्वुजा /कांग्रेस
बाग्लुङ
१ चित्रबहादुर केसी/ राजमो
२ देवेन्द्र पौडेल/माओवादी केन्द्र
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736655415.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
