समानुपातिकतर्फ माओवादीले उछिन्यो राष्ट्रिय स्वतन्त्र पार्टीलाई

राजनीति

नेपाल लाइभ शनिबार, मंसिर १०, २०७९ १३:००

काठमाडौं- समानुपातिकतर्फको जारी मत गणनामा माओवादी केन्द्र तेस्रो स्थानमा उक्लिएको छ। केही दिनयता राष्ट्रिय स्वतन्त्र पार्टी तेस्रो स्थानमा रहँदै आएको थियो। अब माओवादी तेस्रो स्थानाम उक्लिएको छ।

शनिबार १२:३० बजेको तथ्यांक अनुसार एमालेले सबैभन्दा धेरै मत पाएको छ। कुल ६८ लाख ८३ हजार ७२४ मत गणना भइसक्दा एमालेले सर्वाधिक १८ लाख ९७ हजार २७ मत पाएको छ। गणना भइसकेको मतको आधारमा उसले पाएको मत २७. ५५ प्रतिशत हो।

त्यस्तै, कांग्रेसले १८ लाख ३० हजार ३६ मत पाएको छ। उसले पाएको मत २६. ५८ प्रतिशत हो। त्यस्तै, तेस्रो स्थानमा रहेको माओवादी केन्द्रले ८ लाख १ हजार ३७९ मत पाएको छ। उसले पाएको मत ११. ६१८ हो।

चौथो स्थानमा थकेलिएको राष्ट्रिय स्वतन्त्र पार्टीले ७ लाख ९९ हजार ७८२ मत पाएको छ। उसले पाएको मत ११. ६४१ प्रतिशत हो।

त्यस्तै, अहिलेसम्म गणना भएको मतको आधारमा राप्रपा र जसपाले पनि तीन प्रतिशत मत कटाएका छन्। उनीहरुले क्रमशः ५.९६ र ३. १८ प्रतिशत मत पाएका छन्।

एकीकृत समाजवादी, नागरिक उन्मुक्ति पार्टी र जनमत पार्टीले २ प्रतिशतभन्दा केही बढी मत पाएका छन्।

मत गणना जारी छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज