महोत्तरी–२ बाट प्रतिनिधि सभाका लागि लोसपा वरिष्ठ नेता भण्डारी विजयी

राजनीति

नेपाल लाइभ शुक्रबार, मंसिर ९, २०७९ १४:३२

काठमाडौं– महोत्तरी निर्वाचन क्षेत्र नम्बर २ बाट प्रतिनिधि सभाका लागि लोकतान्त्रिक समाजवादी पार्टीका वरिष्ठ नेता शरदसिंह भण्डारी निर्वाचित भएका छन्।

भण्डारीले तमलोपाका डा विजय कुमार सिंहलाई १४ हजार ७० मतान्तरले पराजित गर्दै प्रतिनिधि सभा सदस्यमा जित हासिल गरेका हुन्।

निर्वाचित भण्डारीले २५ हजार १ सय ९० मत ल्याएका छन् भने तमलोपाका सिह ११ हजार १ सय २० मत ल्याएका छन्। त्यसैगरी एमालेका डा राम परीक्षण यादवले १० हजार २ सय ५८ मत ल्याएका छन्।

वरिष्ठ नेता भण्डारीकोझ जितसँगै लोसपाले प्रतिनिधि सभामा ३ सिट जितेको छ। एक सिटमा भने अग्रता लिइरहेको छ।

भण्डारीसँगै सर्लाही–१ बाट रामप्रवेश चौधरी र रुपन्देही–४ बाट सवेन्द्रनाथ सुक्ला लोसपाबाट निर्वाचित भएका छन्।

शुक्रबार दिउँसोको अपडेट अनुसार महोत्तरी–३ मा लोसपाका अध्यक्ष महन्थ ठाकुरले अग्रता लिइरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज