३९ लाख मत गणना गर्दा ६ पार्टीले कटाए एक लाख

राजनीति

नेपाल लाइभ शुक्रबार, मंसिर ९, २०७९ १२:०८

काठमाडौं- शुक्रबार बिहानसम्म ३० लाख ५ हजार २३७ मत गणना भइसकेको छ। अहिलेसम्मको मतगणनामा एमालेले सर्वाधिक मत पाएको छ। उसले दश लाख मत कटाएको छ।

पछिल्लो विवरण अनुसार एमालेले १० लाख ४० हजार ६२४ मत पाएको छ। अहिलेसम्म गणना भएको मतको आधारमा उसले पाएको २६.६५ प्रतिशत हो।

त्यस्तै, कांग्रेसले ९ लाख ९६ हजार ३१६ मत पाएको छ। जुन २५.५१ प्रतिशत हो। तेस्रोमा राष्ट्रिय स्वतन्त्र पार्टी छ। उसले ४ लाख ९० हजार १३२ मत पाएको छ। जुन १२.५५ प्रतिशत हो।

चौथोमा रहेको माओवादी केन्द्रले ४ लाख ५८ हजार ५७० मत पाएको छ। उसले पाएको मत ११.७४ प्रतिशत हो। त्यस्तै, जनता समाजवादी पार्टीले १ लाख ३० हजार ७६९ मत पाएको छ। उसले पाएको मत ३. ३४ प्रतिशत हो।

समानुपातिकको जारी मतगणनामा अन्य पार्टीले तीन प्रतिशत मत कटाएका छैनन्। नागरिक उन्मुक्ति पार्टी र जनमत पार्टीले दुई प्रतिशतभन्दा केही बढी मत पाएका छन्। एकीकृत समाजवादी, नेमकिपा र लोसपाले एक प्रतिशतभन्दा केही बढी मत पाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज