रुपन्देही ३ मा गृहमन्त्री बालकृष्ण खाण ३६६ मतले पछाडि

राजनीति

नेपाल लाइभ शुक्रबार, मंसिर ९, २०७९ ०६:५९

काठमाडौं– प्रतिनिधि सभा निर्वाचनअन्तर्गत रुपन्देही क्षेत्र नम्बर ३ मा मतगणनाको सुरुवातदेखि नै गृहमन्त्री तथा सत्ता गठबन्धनबाट नेपाली कांग्रेसका उम्मेदवार वालकृष्ण खाण र नेकपा एमाले समेतको समर्थनमा राप्रपाका उम्मेदवार दीपक बोहराबीच प्रतिस्पर्धा छ।

मतगणना जारी रहँदा २ जना उम्मेदवारले एकले अर्कोलाई उछिन्ने क्रम चलिरहेको छ। पछिल्लो समय राप्रपाका उम्मेदवार बोहराले अग्रता कायम राखेका छन्।

एमालेको सर्मथन पाएका बोहोराले २५ हजार ३५९ मतसहित अग्रता लिइरहेका छन्। गृहमन्त्री खाण भने ३६६ मतले पछाडि परेका छन्।

गृहमन्त्री खाणले २४ हजार ९९३ मत ल्याएका छन्। राष्ट्रिय स्वतन्त्र पार्टीका जित बहादुर गुप्‍ता तेलीले ४ हजार ६६६ मत ल्याएका छन् भने नागरिक उन्मुक्ति पार्टीका तुल्‍सी प्रसाद थारुले २ हजार ९७२ मत ल्याएका छन्। यस्तै, जनमत पार्टीका प्रमोद कुमार राउतले १ हजार ३३१ मत ल्याएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज देशभर आंशिक बदली

कन्काई पुल : पाँच पटक ठेक्काको म्याद थप, १३ वर्षमा आधा काम

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो