बारा- ३ बाट एमालेकी ज्वाला साह विजयी

राजनीति

नेपाल लाइभ शुक्रबार, मंसिर ९, २०७९ ०६:२५

काठमाडौं- बारा- ३ बाट एमालेकी ज्वालाकुमारी साह विजयी भएकी छिन्। उनले कांग्रेस उम्मेदवार रामबाबुकुमार यादवलाई पराजित गरेका हुन्।

यस्तो छ अन्तिम मतपरिणाम-
ज्वालाकुमारी साह/एमाले- २०२५९
रामबाबुकुमार यादव/जसपा- १७२६९

२०७४ मा यस क्षेत्रबाट रामबाबुकुमार यादव विजयी भएका थिए।

विजयी भएकी ४० वर्षीया साह नेकपा एमालेको पोलिटब्यूरो सदस्य हुन्। माओवादी पृष्ठभूमिको नेता उनी २०७४ को प्रदेश सभामा बारा- ३ (क) बाट माओवादी केन्द्रको उम्मेदवारको रुपमा विजयी भएकी थिइन्।

एमाले र माओवादी केन्द्रको एकता भई गठन भएको नेकपामा विभाजन आएपछि उनी एमाले प्रवेश गरेकी थिइन्। लगत्तै माओवादी केन्द्रले उनलाई प्रदेश सांसदबाट पदमुक्त गराएको थियो। अर्कोतिर, तत्कालीन प्रधानमन्त्री तथा एमाले अध्यक्ष केपी शर्मा ओलीले उनलाई संघीय सरकारको कृषि तथा पशुपन्छी विकास मन्त्री बनाएका थिए।

उनी २०६४ को संविधान सभा निर्वाचनमा माओवादी केन्द्रको तर्फबाट समानुपातिक सभासद भएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज देशभर आंशिक बदली

कन्काई पुल : पाँच पटक ठेक्काको म्याद थप, १३ वर्षमा आधा काम

इजरायल र हमासबीच गाजामा युद्धविराम गर्ने सहमति, बन्धक रिहाइको बाटो खुल्यो