पोखरा– प्रतिनिधि सभा सदस्यमा म्याग्दीबाट नेपाली कांग्रेसका खमबहादुर गर्बुजा विजयी भए। गर्बुजाको तेस्रो प्रयासमा भएको जित हो। म्याग्दीमा कांग्रेसको जितपछि एमालेको २३ वर्षे लामो विजयी यात्रा टुंगिएको छ।
म्याग्दी कांग्रेस सभापतिसमेत रहेका गर्बुजाले एमालेका उम्मेदवार हरिकृष्ण श्रेष्ठलाई ४ हजार मतान्तर पछि पार्दै विजयी बनेका हुन्। गर्बुजाले २४ हजार २१ र एमालेका श्रेष्ठले २० हजार १ सय ८९ मत पाएका छन्।
तेस्रो प्रयासमा सफल भएका गर्बुजा यसअघि २०७० सालमा भएको दोस्रो संविधान सभा निर्वाचन र २०७४ मा भएको प्रतिनिधि सभा निर्वाचनमा एमालेकै उम्मेदवारबाट पराजित भएका थिए। पहिलो पटक २०७० मा एमालेका नवराज शर्मासँग गर्बुजा ३ हजारभन्दा बढी मतले पराजित भएका थिए। शर्माले १५ हजार ९ सय ५५ मत गर्वुजाले १२ हजार ५ सय ९ मत प्राप्त गरेका थिए।
दोस्रो पटक गर्बुजा २०७४ को निर्वाचनमा पनि एमालेसँगै पराजित भए। वाम गठबन्धनबाट एमालेका उम्मेदवार भूपेन्द्रबहादुर थापासँग करिब ३ हजार मतान्तरसहित गर्बुजापछि परेका थिए। थापाले २३ हजार ३ सय ८ मत र गर्बुजाले २० हजार ९ सय ८० मत प्राप्त गरेका थिए ।०६४ सालमा समानुपातिकतर्फ नाम सिफारिस भए पनि उनी निर्वाचित हुन सकेका थिएनन्।
गर्बुजा कांग्रेसमा २०५४ सालदेखि आवद्ध भएका हुन्। बेलायती सेनाबाट अवकाश लिएर आएपछि उनले २०५४ सालमा तरुण दलको सदस्यता लिएका थिए। २०६७ सालमा भएको नेपाली कांग्रेस म्याग्दीको पाँचौ जिल्ला अधिवेशनबाट उपसभापति र २०७२ सालमा सम्पन्न छैठौं जिल्ला अधिवेशन र २०७८ सालमा सम्पन्न सातौं जिल्ला अधिवेशनबाट जिल्ला सभापतिमा निर्वाचित भएका हुन्।
म्याग्दीमा कांग्रेसको यो जित २३ वर्षपछिको जित हो। म्याग्दीमा २०५६ सालमा नेपाली सेनाका सेवा निवृत्त म्याग्दीका कर्नेल नारायणसिं पुन विजयी भएका थिए। उनको निधन भइसकेको छ। त्यसपछि भने म्याग्दीमा कांग्रेसले कुनै पनि निर्वाचनमा जित हात पार्न सकेको थिएन।
गर्बुजाले निर्वाचित भएसँगैे यो आफ्नोमात्रै जित नभएर समग्र म्याग्दीवासीको जित भएको बताए। ‘म जनताको शासक होइन, सेवक भएर काम गर्ने छु, मेरो बुद्धि, वर्ग र सामथ्र्यले भ्याएसम्म म्याग्दीलाई विकासको मीठो फल चखाउने प्रयास गर्ने छु,’ उनले भने, ‘कतै म अल्मलिएँ वा लर्बरिएँ भने मलाई सचेत बनाउनुहोला।’
म्याग्दीको प्रदेश सभाका दुवै क्षेत्रमा माओवादी केन्द्रका उम्मेदवार विजयी भएका छन्। प्रदेश सभा ‘१’ मा माओवादीका हरि भण्डारी र प्रदेश सभा ‘२’ मा रेशम जुग्जाली विजयी भएका हुन्।
भण्डारीले एमालेका उम्मेदवार देवेन्द्रबहादुर कटुवाललाई ९ सय ७५ मतान्तरले पराजित गरेका हुन्। भण्डारीले १२ हजार ७ सय ४० र कटुवालले ११ हजार ७ सय ६५ मत प्राप्त गरे।
जुग्जालीले एमालेका उम्मेदवार यामबहादुर गर्बुजालाई १ सय १ मत मतान्तरले पराजित गरे। जुग्जालीले ९ हजार ४ सय ५४ र गर्बुजाले ९ हजार ३ सय ५३ मत प्राप्त गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1699350511.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
