राष्ट्रिय स्वतन्त्र पार्टीको उदयप्रति ओलीको कटाक्ष- हाहाहुहुमा देश चल्दैन

राजनीति

नेपाल लाइभ बिहीबार, मंसिर ८, २०७९ १५:२३

फाइल फोटो

काठमाडौं- राष्ट्रिय स्वतन्त्र पार्टीको उदयप्रति एमाले अध्यक्ष केपी शर्मा ओलीले कटाक्ष व्यक्त गरेका छन्। बिहीबार भद्रपुर विमानस्थलमा पत्रकारहरुसँग कुरा गर्दै उनले हाहाहुहुमा देश नचल्ने चेतावनी पनि दिए।

'के गन्तव्य हो? के नीति हो? के कार्यक्रम हो? केही छैन', राष्ट्रिय स्वतन्त्र पार्टीप्रति ओलीको टिप्पणी थियो, 'हाहाहुहुमा देश त चल्दैन। त्यतापट्टि प्रोत्साहन गरिरहने कुरा भएको छ। भविष्यलाई अलि जिम्मेवार ढंगले सोच्ने कुरा भन्दा हाहाहुहुमा देशलाई लैजान खोज्ने कुरा नेपालको हितमा छैन।'

उनले राष्ट्रिय स्वतन्त्र पार्टीको उदयलाई ठूलो कुरा नभएको टिप्पणी पनि गरे। 'यो स्वभाविक कुरा हो। उदय भनेर जे प्रचार र प्रपागाण्डा गरियो, त्यो वास्तवमा तपाईंहरु (पत्रकार)हरुको कृपा हो। देशलाई गलत बाटोतिर लैजान खोज्दै हुनुहुन्छ नेपालका बौद्धिक जगतले', उनको भनाइ थियो।

आइतबार सम्पन्न निर्वाचनको मत परिणाम सार्वजनिक हुने क्रम जारी छ। बिहीबा दिउँसोसम्म राष्ट्रिय स्वतन्त्र पार्टीले ६ र एमालेले १८ सिटमा जित हासिल गरिसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अभद्र व्यवहारसम्बन्धी मुद्दामा पक्राउ परेकी आशिका तामाङलाई पाँच दिन हिरासत राख्न अनुमति

बीमाको रकम हत्याउन भारतीय प्रेमीसँग मिलेर श्रीमानको हत्या

सरकारमा सहभागी मन्त्रीहरुसँग देउवाले लिए कार्यप्रगतिबारे जानकारी