को हुन् प्रतिद्वन्द्वीलाई पालो फेर्ने रामहरि?

राजनीति

निर्वाचित चिनौँको हुन् प्रतिद्वन्द्वीलाई पालो फेर्ने रामहरि?

नेपाल लाइभ बुधबार, मंसिर ७, २०७९ १७:३९

काठमाडौं– प्रतिनिधि सभातर्फ एक मात्र निर्वाचन क्षेत्र रहेको ओखलढुङ्गामा नेपाली कांग्रेसका उम्मेदवार तथा पार्टीका केन्द्रीय सदस्य रामहरि खतिवडाले जित निकालेका छन्।

उनले एमालेका केन्द्रीय सदस्य यज्ञराज सुनुवारलाई पराजित गरेका छन्।

खतिवडा र सुनार पुरानै प्रतिद्वन्द्वि हुन्। ०७४ मा भएको प्रतिनिधि सभाको निर्वाचनमा सुनारले खतिवडालाई करिब ५ हजार मतले पराजय गरेका थिए।

सुनारले ३२ हजार ५८० मत ल्याउँदा खतिवडाले २७ हजार ३२७ मत मात्र ल्याएका थिए।

यो निर्वाचनमा खतिवडाले सुनारसँगको पराजय उल्ट्याएका छन्। खतिवडाले ३३ हजार ५ सय ५६ मत ल्याउँदा सुनारले

२६ हजार ७३८ मत मात्र ल्याए। अघिल्लो राजनीतिक समीकरण फेरिएकोले पनि खतिवडालाई जित निकाल्न केहि सहज भएको देखिन्छ।

५२ वर्षीय खतिवडा ०७० मा भएको दोस्रो संविधान सभा निर्वाचनमा तत्कालिन ओखलढुंगा क्षेत्र नंबर २ बाट निर्वाचित भएका थिए।

संविधान जारी भएपछि एक मात्र निर्वाचन क्षेत्र बनेपछि २०७४ को प्रतिनिधि सभा निर्वाचनमा उनको भेट भएको थियो सुनारसँग जसमा उनले पराजय ब्यहोरेका थिए।

संविधान निर्माणमा राम्रो उपस्थिति जनाएका खतिवडा पार्टी राजनीतिमा राम्रै दखल राख्ने नेता हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताका समस्यालाई केन्द्रमा राखेर काम गर्न मन्त्री खड्काको निर्देशन

खो खो विश्वकप : महिलातर्फ नेपाल समूह विजेता बन्दै क्वाटरफाइनलमा

दिदीको अश्लील भिडियो बहिनीको मेसेन्जरमा पठाउने पूर्वप्रेमी पक्राउ