काठमाडौं– प्रतिनिधि सभा र प्रदेश सभा निर्वाचनको मत परिणाम आउनेक्रम जारी छ। बुधबार साढे ३ बजेको मत परिणाम नियाल्दा नेपाली कांग्रेसले १३ ठाउँमा विजयी हासिल गरेको छ।
त्यस्तै, नेकपा एमालेले ५, राष्ट्रिय स्वतन्त्र पार्टीले ४, नेकपा माओवादी केन्द्रले २, नेकपा एकीकृत समाजवादीले १, राष्ट्रिय प्रजातन्त्र पार्टी, नागरिक उन्मुक्ति पार्टी र राष्ट्रिय जनमोर्चाले १–१ ठाउँमा विजयी हासिल गरेका छन्।
काठमाडौं– १ बाट कांग्रेसको तर्फबाट प्रकाशमान सिंहले विजयी हासिल गरेका छन्।
सिंहले राष्ट्रिय प्रजातन्त्र पार्टीका रवीन्द्र मिश्रसँग १२५ मतको झिनो अन्तरले पराजित गरे। सिंहले ७ हजार १४३ मत प्राप्त गर्दा मिश्रले ७ हजार १८ मत प्राप्त गरेका थिए। त्यसैगरी, काठमाडौं क्षेत्र नम्बर ९ बाट एमालेका तर्फबाट कृष्णगोपाल श्रेष्ठ ९९५ मतले विजयी भए। उनले राष्ट्रिय स्वतन्त्र पार्टीका उम्मेदवार टेकबहादुर पोखरेललाई पराजित गरेका हुन्। श्रेष्ठले ११ हजार ९५६ मत प्राप्त गर्दा पोखरेलले १० हजार ९६१ मत प्राप्त गरेका थिए।
यस्तै ताप्लेजुङबाट एमालेका उम्मेदवार योगेश भट्टराई २०८ मतले विजयी भए। भट्टराईले माओवादी केन्द्रका खेलप्रसाद बुढा क्षेत्रीलाई पराजित गरेका थिए। भट्टराईले २१ हजार ९४३ मत प्राप्त गर्दा श्रेत्रीले २१ हजार ७३५ प्राप्त गरेका थिए।
एकमात्र निर्वाचन क्षेत्र रहेको मुस्ताङमा कांग्रेसका उम्मेदवार योगेश गौचन थकालीले ९१४ मतले विजय प्राप्त गरे। उनले
एमालेका प्रेम तुलाचनलाई पराजित गरेका हुन्। योगेशले ३ हजार ९९२ मत प्राप्त गर्दा उनका प्रतिद्वन्द्वी प्रेमप्रसाद तुलाचनले ३ हजार ७८ मतमा चित्त बुझाउनु परेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
