२३३१ मत गन्न बाँकी रहँदा जुम्ला प्रदेश सभा (क) मा स्वतन्त्र उम्मेदवार शाही १२४५ मतले अगाडि

राजनीति

नेपाल लाइभ बुधबार, मंसिर ७, २०७९ १५:३१

काठमाडौं– जुम्ला प्रदेश सभा (क) मा कांग्रेसबाट बागी उम्मेदवारी दिएका देवेन्द्रबहादुर शाहीले अग्रता कायमै राखेका छन्।

२२ हजार ३३२ मतगणना हुँदा शाही ८ हजार ४२५ मतसहित अग्रस्थानमा छन्। उनलाई पछ्याइरहेका गठबन्धनबाट साझा उम्मेदवार बनेका कांग्रेसका कर्णाली प्रदेश सभापति ललितजंग शाहीले ७ हजार १८० मत प्राप्त गरेका छन्।

ललितजंग शाहीभन्दा देवेन्द्र शाहीले १२४५ मतान्तरले अघि छन्। अब जुम्ला प्रदेश सभातर्फ क्षेत्र नम्बर (क) मा २३३१ मत गणना हुन बाँकी छन्।

यस्तै तेस्रो नम्बरमा रहेका नेकपा एमालेका धिरेन्द्रराज गिरिले ५ हजार ५३ मत प्राप्त गरेका छन् भने नेमकिपाका राजेश्वर देवकोटाले ६०८ मत प्राप्त गरेका छन्। गणना भएका मतमध्ये हालसम्म ९६४ मत बदर भएको निर्वाचन कार्यालयले जनाएको छ।

प्रतिनिधि सभा तर्फ भने भारी मतका साथ राप्रापका ज्ञानेन्द्र शाही अग्रस्थानमा छन्। सत्तागठबन्धनबाट उम्मेदवार बनेकी माओवादीकी गोमा गौतम कुँवर शाहीभन्दा दोब्बर मतले पछाडि छिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति