काठमाडौं– प्रतिनिधि सभा निर्वाचनअन्तर्गत काठमाडौं–२ मा पराजय भोगेकी नेकपा माओवादी केन्द्रकी उम्मेदवार ओनसरी घर्तीले निर्वाचनमा जित–हार स्वाभाविक प्रक्रिया भएको बताएकी छन्।
उक्त क्षेत्रबाट आफूलाई पराजित गर्दै चुनाव जितेकी राष्ट्रिय स्वतन्त्र पार्टीकी सोविता गौतलाई बधाई दिँदै घर्तीले अब काठमाडौं–२ लाई कर्मथलो बनाएको पनि बताइन्।
‘मैले मत माग्ने क्रममा पटक–पटक भनेकी थिएँ कि काठमाडौं–२ मेरो कर्मथलो भइसक्यो। आजको दिनमा उक्त प्रतिबद्धता पुनः एकपटक दोहोर्याउन चाहन्छु,’ घर्तीले भनेकी छन्।
उनले आफू काठमाडौं–२ का जनताको सुख दुःखमा सधैं सँगै रहने बताएकी छन्।
घर्तीले सामाजिक सञ्जालमा दिएको सन्देश :
४ मंसिरमा सम्पन्न निर्वाचनमा काठमाडौं–२ बाट विजयी सोविता गौतमलाई हार्दिक बधाई तथा शुभकामना व्यक्त गर्दछु। निर्वाचनमा जित-हार स्वभाविक प्रक्रिया हो, यसलाई मैले स्वाभाविक रुपमा लिएकी छु। आवधिक निर्वाचनमा एकपटको पराजयले मुलुक र जनताप्रतिको जिम्मेवारी र भूमिका समाप्त हॅुदैन र हुन पनि सक्दैन। आजको राजनीतिक र सामाजिक परिवर्तन ल्याउन तथा सभामुख र अन्य राजकीय जिम्मेवारीमा रहेर मुलुकका लागि मैले विगतमा निर्वाह गरेको भूमिका इतिहासमा सदैव लिपिबद्ध रहने छ। आगामी दिनहरूमा पनि मेरो भूमिकामा कुनै कमी आउने छैन। निर्वाचनका दौरान आफ्नो अमूल्य मत प्रदान गर्नुहुने तमाम आदरणीय मतदाताप्रति धन्यवाद ज्ञापन गर्दछु। मैले मत माग्ने क्रममा पटकपटक भनेकी थिएँ कि काठमाडौँ क्षेत्र नम्बर-२ मेरो कर्मथलो भइसक्यो। आजको दिनमा उक्त प्रतिबद्धता पुनः एकपटक दोहो-याउन चाहन्छु। यस क्षेत्रका मतदाताका हरेक सुखरदुःखमा म सधैं सॅगै हुनेछु। निर्वाचनका क्रममा रातदिन नभनी खट्ने मेरो टिमका सदस्यहरू, पार्टी र गठबन्धनका नेता र कार्यकर्ता, शुभचिन्तक, आमसंचार माघ्यम र संचारकर्मी मित्रहरू, निर्वाचन सफल पार्न खटिएका कर्मचारी, सुरक्षाकर्मी र पर्यवेक्षकहरुमा हार्दिक धन्यवाद ज्ञापन गर्दछु ।
ओनसरी घर्ती
उम्मेदवार, काठमाडौं क्षेत्र नम्बर-२
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
