समानुपतिकको मतगणना: एमालेको अग्रता कायमै, स्वतन्त्र पार्टीले कटायो १ लाख मत

राजनीति

नेपाल लाइभ बुधबार, मंसिर ७, २०७९ ०९:२९

काठमाडौं– प्रतिनिधि सभा निर्वाचनअन्तर्गत समानुपातिक निर्वाचन प्रणालीतर्फको मतगणनामा नेकपा एमालेले अग्रता कायम राखेको छ। देशभरका विभिन्न निर्वाचन क्षेत्रमा भइरहेको मतगणनाको पछिल्लो परिणामअनुसार नेकपा एमाले २ लाख २१ हजार ६५३ मतसहित अगाडि छ।

नेपाली कांग्रेसले १ लाख ९८ हजार ७६९ मत ल्याएको छ। राष्ट्रिय स्वतन्त्र पार्टीले समानुपातिकतर्फ १ लाख मत कटाएको छ। राष्ट्रिय स्वतन्त्र पार्टीले १ लाख १ हजार ७०३ मत ल्याएको छ।

नेकपा माओवादी केन्द्र भने समानुपातिकतर्फ चौथो स्थानमा छ। माओवादीले ९२ हजार १८४ मत ल्याएको छ।

माओवादीपछि राष्ट्रिय प्रजातन्त्र पार्टी छ। राप्रपाले ५१ हजार ९०१ मत ल्याउँदा जनता समाजवादी पार्टीले १६ हजार ८५६ मत ल्याएको छ। सिके राउत नेतृत्वको जनमत पार्टीले १६ हजार १७६ मत ल्याएको छ।

नेपाल मजदुर किसान पार्टीले समानुपातिकतर्फ १३ हजार ६१७ मत ल्याएको छ। नेकपा एकीकृत समाजवादीले ११ हजार ९५६ मत ल्याउँदा नागरिक उन्मुक्ति पार्टीले १० हजार ४६८ मत पाएको छ।

अन्य पार्टीले ४६ हजार ३६ मत प्राप्त गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव