सोलुखुम्बुको फुर्के मतदान केन्द्रका अधिकृत राय सुतेकै ठाउँमा मृत भेटिए

निर्वाचन विशेष

नेपाल लाइभ शनिबार, मंसिर ३, २०७९ ०७:२५

काठमाडौं– सोलुखुम्बुमा एक मतदान अधिकृत मृत भेटिएका छन्। सोलुखुम्बुको नेचासल्यान गाउँपालिका–४ स्थित फुर्के सामुदायिक वन उपभोक्ता समूह मतदान केन्द्रमा खटिएका मतदान अधिकृत शनिबार बिहान मृत फेला परेका हुन्।

सर्लाहीको हरिपूर्वा नगरपालिका–६ स्थायी घर भएका ५६ वर्षीया बिल्टु राय नेचासल्यान–५ कै आयुर्वेदिक अस्पतालमा कार्यरत थिए।

प्रेसर र सुगरबाट पीडित राय शुक्रबार राति खाना खाएर सुतेका थिए। बिहान भने सुतेकै ठाउँमा मृत अवस्थामा फेला परेको जिल्ला प्रहरी कार्यालय सोलुखुम्बुका प्रहरी निरीक्षक रामकिशोर साहले जानकारी दिए।

बिहान ४ जबेतिर अन्य कर्मचारीले उठाउन खोज्दा उनी उठेनन्। उनी मृत भएको पाइएपछि कर्मचारीले प्रहरीलाई खबर गरेका थिए। मुचुल्का उठाइसकेपछि उनको शव पोष्टमार्टमका लागि अस्पताल लैजाने साहले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नयाँ अध्ययन: महिलामा क्यान्सरका घटना बढ्दै, पुरुषमा घट्दै

सरकार ढल्न लाग्यो भन्नु विपक्षीको छटपटी मात्र हो : उपमहासचिव ज्ञवाली

फुल कन्ट्याक्टमा नेपाललाई ६ स्वर्णसहित २५ पदक