ट्राफिक व्यवस्थापनमा खटिए महानगरका नगर प्रहरी

निर्वाचन विशेष

नेपाल लाइभ बिहीबार, मंसिर १, २०७९ १२:५९

काठमाडौं– काठमाडौं महानगरपालिकाले ट्राफिक व्यवस्थापन गर्न नगर प्रहरी खटाउन थालेको छ।

महानगरपालिकाले उपत्यकामा बढ्दो सवारी चापलाई व्यवस्थापन गर्नका लागि ट्राफिक जाम बढी हुने समयका लागि नगर प्रहरी खटाउन थालेको हो।

नगर प्रहरी बलका प्रमुख नगरप्रहरी उपरीक्षक राजु पाण्डेका अनुसार सवारी साधनको चाप धेरै भएको समय बिहान ९ बजेदेखि ११ बजेसम्म र बेलुका ३ बजेदेखि ५ बजेसम्म मुख्य चोकहरुमा ट्राफिक प्रहरीसँगै २ जना नगर प्रहरी खटाउन थालिएको हो।

महानगरपालिकाले बुधबारदेखि उपत्यकाको सवारी चाप व्यवस्थापनका नगर प्रहरी खटाउन थालेको हो। कोटेश्वर, बानेश्वर, गौशाला, जमल, रत्नपार्क, महाराजगञ्ज, कालीमाटी र कलंकीलगायतका स्थानमा नगरप्रहरी परिचालन गरिएको महानगरले जनाएको छ।

यस्तै पछिल्लो समय आशन्न प्रतिनिधि सभा र प्रदेश सभा निर्वाचनका लागि खटिएका म्यादी प्रहरी पनि उपत्यकाको सवारी चाप व्यवस्थापनका लागि प्रमुख चोकमा खटिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु