काठमाडौं– युरोपियन च्याम्पियन्स लिग फुटबलअन्तर्गत नकआउट चरणको ’ड्र’ सार्वजनिक भएको छ।
युरोपियन फुटबलको सर्वोच्च संस्था यूईएफएले सोमबार राति नकआउट चरणको ’ड्र’ सार्वजनिक गरेको हो।
सार्वजनिक ‘ड्र’अनुसार अन्तिम १६ मै फाइनलको झल्को हुने भएको छ।
साविक विजेता रियल म्याड्रिडले अन्तिम १६ मै गत संस्करणको फाइनलिस्ट लिभरपुल पाएको छ। यसर्थ, योपटक दर्शकले अन्तिम १६ मै गत संस्करणको फाइनलको झल्को पाउनेछन्। फ्रान्सको पेरिसको भएको उक्त फाइनलमा स्पेनिस क्लब रियलले इंग्लिस लिभरपुललाई १–० ले हराउँदै उपाधि जितेको थियो। सन् २०१९ मा पनि रियलले लिभरपुललाई फाइनलमा ३–१ ले पाखा लगाउँदै उपाधि हात पारेको थियो।
रियल सर्वाधिक १४ पटक च्याम्पियन्स लिग जितेको टोली हो भने लिभरपुलले ६ पटक उपाधि हात पारेको छ। यसर्थ, यी दुई टोलीको भिडन्त रोमाञ्चक हुने अपेक्षा गरिएको छ। वर्षको राउण्ड अफ १६ मा इंग्लिस क्लब लिभरपुललाई प्रतिद्वन्दी पाएको हो।
यस्तै, फ्रेन्च क्लब पेरिस सेन्ट जर्मेन (पीएसजी)ले पनि अन्तिकम १६ मै बलियो प्रतिद्वन्दी पाएको छ। उनले जर्मन क्लब बायर्न म्युनिखलाई प्रतिद्वन्दी पाएको हो।
यसैगरी, इंग्लिस क्लब म्यानचेस्टर सिटीले जर्मन क्लब आरबी लाइपजिगसँग प्रतिस्पर्धा गर्नेछ।
अर्को इंग्लिस क्लब चेल्सीले अन्तिम १६ मा अर्को जर्मन क्लब बोरुसिया डर्टमण्डलाई प्रतिद्वन्दी पाएको छ।
त्यसैगरी, अर्को इंग्लिस क्लब टोटेनहम हटस्परले इटालियन क्लब एसी मिलानलाई प्रतिद्वन्दी पाएको छ।
त्यस्तै, अर्को इटालियन क्लब नापोलीले जर्मन क्लब फ्रांकफर्टसँग प्रतिस्पर्धा गर्नेछ भने पोर्चुगिज क्लब बेन्फिकाले बेल्जियन च्याम्पियन क्लब ब्रुगको सामना गर्नेछ।
अर्को इटालियन क्लब इन्टर मिलानले पोर्चुगिज क्लब पोर्टोलाई प्रतिद्वन्दी पाएको छ।
नकआउट चरणका खेलहरू होम एण्ड अवेको आधारमा दुई लेगको हुनेछ। गत वर्षदेखि अवे गोलको मान्यता हटाइएका छ। यसर्थ, दुई खेलमा जसले राम्रो नजिता ल्याउँछ उही क्वार्टरफाइनलमा पुग्नेछ।
नकआउट चरणको पहिलो लेग आगामी वर्षको फेब्रुअरी १४, १५, २१ र २२ मा हुनेछन्। दोस्रो लेग ७, ८, १४ र १५ मार्चमा हुनेछन्।
यस्तो छ ‘ड्र’:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
