काठमाडौं– नेकपा (माओवादी केन्द्र)का अध्यक्ष पुष्पकमल दाहाल प्रचण्डले प्रतिपक्षी दल नेकपा (एमाले)का अध्यक्ष केपी शर्मा ओलीलाई लाज पचाएर भाषण गर्दै हिँडेको आरोप लगाएका छन्।
आइतबार रामेछापका स्थानीयलाई पार्टी प्रवेश गराउँदैै अध्यक्ष प्रचण्डले केपी शर्मा ओली लाज पचाएर भाषण गर्दै हिँडेको देख्दा अच्चम लाग्ने गरेको बताए।
‘केपी ओली लाज पचाएर भाषण गरेर हिँडेको देख्छु। उनलाई नै प्रधानमन्त्री बनाइदिएको होइन? उनले न दुई–तिहाइको सरकार बचाउन सके। दुई–तिहाइ हुँदा पनि पटक–पटक संसद् विघटन गरे। पार्टीलाई पनि बचाउन सकेनन्। पार्टीलाई विभाजन तर्फ लगे। अहिले के भनेर भोट माग्न गएका हुन् ? मलाई अनौठो लाग्छ । नेपालका जनतालाई उल्लु ठानेका हुन् छन् कि!’ उनले थपे, ‘हिजो दुई–तिहाइको सरकार दिँदा पनि उनले आफैँले विघटन गरे। संसद् बचाउन सकेनन्। तीन वर्षमै संसद् विघटन गरेर संविधान च्यात्न खोज्ने, अब फेरि के भनेर भोट माग्ने? नेपालका जनताको बुद्धि छैन। मैले उखानटुक्का भने हँसाइदिए भने मलाई भोट हाल्छन् भन्ठानेका हुन् कि!’
अध्यक्ष प्रचण्डले एमालेभित्र ओली प्रवृत्ति हाबी भएको र त्योे गणतन्त्रविरोधी भएको बताए। ओली संविधान, गणतन्त्र र संघीयताको विरोधी भएको उनले आरोप लगाए।
‘ओली आदिवासी, जनजाति, महिला, थारू र मुस्लिमहरूलाई समावेशी, समानुपातिक अधिकार दिनु हुँदैन भन्ने मध्येका हुन्,’ उनले भने, ‘ओली संविधान सभा, धर्म निरपेक्षता हुन्छ। गणतन्त्र आउन सक्छ भन्ने कुरा कल्पनासम्म गर्न सक्दैनथे। अस्ति भर्खरैको कुरा हो। उनी त्यसको विरोध गर्दै हिँड्थे। तरपछि उनको इच्छाविपरित संविधान सभा पनि भयो। संघीय लोकतान्त्रिक गणतन्त्र पनि भयो।’
प्रचण्डले संविधानमा नै हस्ताक्षर गरेपछि वाम गठबन्धनको प्रस्ताव आफूले राखेर पार्टी एकता गरेको दाबी गरे। तर, ओलीले उल्टै संविधान उल्टाउनेतर्फ लागेको आरोप लगाए। उनले संविधान मिचेर पटक–पटक प्रतिनिधि सभा विघटन गरेको आरोप लगाए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1724654184.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
