काठमाडौं– अर्थशास्त्री स्वर्णिम वाग्लेले गगन थापाको प्रशंसा गर्दै चाँडै नै प्रधानमन्त्रीका रूपमा देख्न चाहेको टिप्पणी गरेका छन्।
वाग्लेले काठमाडौंमा युथ कांग्रेसले आयोजनामा गरिएको कार्यक्रममा बोल्दै कांग्रेस महामन्त्री थापा आफ्नो साथी र नेता पनि भएको भन्दै उनलाई छिट्टै प्रधानमन्त्रीका रुपमा देख्न चाहेको बताए।
‘गगन थापा मेरो साथी मात्र होइनन्, उनी मेरो नेता पनि हुन्,’ वाग्लेले भने, ‘उनी यो देशको प्रधानमन्त्री चाँडै नै बन्नुपर्छ भन्ने मत राख्ने मान्छे हुँ।’
थापा काठमाडौं एउटा क्षेत्रको मात्र नेता नभएको दाबी गर्दै देशका लागि गगनको आवश्यकता रहेको टिप्पणी गरे।
उनले काठमाडौं–४ र सिंगो देश विकासका लागि गगनको नेतृत्व आवश्यक रहेको पनि बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
