काठमाडौं– प्रविधिको विकासले अहिले ग्राहकका लागि यति धेरै सुविधा थपिएको छ कि, कुनै पनि सामान किन्न स्टोरसम्म पुग्नै पर्दैन। आफ्नो मोबाइल वा कप्युटर स्क्रीनमा छानिछानी सामान किन्न पाइन्छ। खरिद गरेको समान पनि घरमै आइपुग्छ।
डोम डेलिभरी गर्ने ईकमर्श कम्पनीबाट सामान किन्दा थप छुट पनि पाउन सकिन्छ। तिहार र छठमा यस्ता इकमर्श प्लेटफर्मबाट सामान किन्ने आफ्ना ग्राहकलाई एनआईसी एशिया बैंकले १५ प्रतिशतसम्म छुट वा ५०० रुपैयाँसम्म क्यासब्याकको अफर ल्याएको छ।
ग्यापु, ठूलो डट कम, साझाडिल, यूजी केक्स, स्वाद सदन, फूडमाण्डु र भोजडिलबाट सामान खरिद गर्दा यो सुविधा उपयोग गर्न सकिन्छ। यी ईकमर्श प्लेटफर्मबाट सामान किनेर एनआईसी एशिया बैंकको डेबिट र डेबिट कार्डबाट भुक्तानी गर्दा उक्त सुविधा प्राप्त गर्न सकिनेछ।
अनलाईन सपिङको बढ्दो चलनलाई साथ दिँदै डिजिटल भुक्तानी बढाउने उद्देश्यले आफ्नो ग्राहकलाई यस्तो सुविधा ल्याएको एनआईसी एशिया बैंकले जनाएको छ। बैंकका अनुसार ग्राहकलाई चाडपर्वको अवसरमा खुसियाली बाँड्न र डिजिटल भुक्तानीमा बानी पार्न यो अफर ल्याइएको हो।
ग्यापु, ठूलो डट कम र साझाडिल विभिन्न सामान किन्न सकिने इकमर्श प्लेटफर्म हुन्। यहाँबाट सामान किन्दा एनआईसी एशिया बैंकको छुटसहित होम डेलिभरीको सुविधा रहेको छ। त्यसैगरी, युजी केक्स, स्वाद सदन, फूडमाण्डु र भोजडिल मिठो खाना उपलब्ध गराउने अनलाईन प्लेटफर्म हुन्।
युजी केक्स विभिन्न प्रकारका स्वादिलो केकको लागि चर्चित छ। यहाँबाट ग्राहकले चाहे अनुसारको केक अर्डर गरेर घरमै मगाउन सक्छन्। त्यस्तै, स्वाद सदन, फूडमाण्डु र भोजडिलबाट विभिन्न खाना र खाजा अर्डर गरेर घरमै मगाउन सकिन्छ। यदि तपाईंले फूडमाण्डु र भोजडिलबाट खाना अर्डर गर्नुभयो र एनआईसी एशिया बैंकको क्रेडिट वा डेबिट कार्डबाट भुक्तानी गर्नु भयो भने १५ प्रतिशत वा ३५० रुपैयाँसम्म क्यासब्याक प्राप्त गर्न सक्नुहुन्छ।
यी इकमर्श प्लेटफर्म जस्तै एनआईसी एशिया बैंकले डेढ दर्जन मर्चेन्टमा कारोबार गर्दा १५ प्रतिशतसम्म छुट र २० प्रतिशत क्यासब्याक दिएको छ। यस्तो छुट उपलब्ध हुनेमा सुपरमार्केट, एयरलाइन्स, फुड डेलिभरी, इकमर्श प्लटेफर्मदेखि अन्य कम्पनीहरु रहेका छन्। एनआईसी एशिया बैंकका अनुसार यो अफर कात्तिक १५ गतेसम्म सञ्चालनमा रहने छ।
बैंकले भाटभटेनी सुपरमार्केट, सेल्सबेरी र साथीमार्टमा सामान खरिद गर्दा १० प्रतिशतसम्म छुट उपलब्ध गराएको छ।
भाटभटेनीमा भने लत्ताकपडा र जुत्ता किन्दा उक्त छुट अफर उपलब्ध छ। जुन छुट अधिकतम ५०० रुपैयाँसम्म उपलब्ध हुनेछ भने सेल्सबेरी र साथीमार्टमा अधिकतम ३०० रुपैयाँसम्म उपभोक्ताले लाभ लिन सक्नेछन्।
त्यस्तै, आफ्ना ग्राहको यात्रालाई साथ दिन भनेर यती एयरलाइन्स, बुध्द एयर र श्री एयरलाइन्सको टिकट खरिद गर्दा एप वा वेबसाइटबाट बैंक साइबरसोर्स आइजीपी प्रणाली प्रयोग गरी ई–कमर्श भुक्तानी गर्दा ३ सय रुपैयाँ क्यासब्याक उपलब्ध हुने बैंकले जनाएको ५।
एनआईसी एशिया बैंकले दिएको छुट पाइने अन्य प्लेटफर्महरुमा सीजी डिजिटल, बिग डिजिटल र त्रिबेणी ग्रुप रहेका छन्। सीजी डिजिटलबाट २५ हजारभन्दा माथिका सामान खरिद गरेर एनआईसी एशिया बैंकको डेबिट वा क्रेडिट कार्डबाट भुक्तानी गर्दा ७५० रुपैयाँ क्यासब्याक प्राप्त गर्न सकिने छ। त्यस्तै, बिग डिजिटल र त्रिबेणी ग्रुपबाट सामान खरिद गर्दा १५ प्रतिशत वा ७५० रुपैयाँसम्म क्यासब्यक प्राप्त गर्न सकिन्छ।
त्यस्तै, इभो स्टोर, सामसङ प्लाजा, टिटान, चियर्स इन्टरप्राइजेज, फरएभ्रीजिएन, जिबी हेल्थ, रिम्याक्स इन्टरप्राइजेज, मेरो किनमेल, मोड ट्वान्टी थ्रि, लस्कर फुड्स एण्ड डेलिभरीर ओखर स्टोरमा किनमेल गर्दा एनआईसी एशिया बैंकले विशेष छुट उपलब्ध गराएको छ। यी स्टोरमध्ये इभो स्टोर र सामसङ प्लाजामा १५ प्रतिशत छुट वा अधिकतम १५ सय रुपैयाँसम्मको क्यासब्याक प्राप्त गर्न सकिन्छ। नेपाल ट्रेड नेटवर्क (टिटान)मा १५ प्रतिशत छुट वा ३ सय रुपैयाँको क्यासब्याक उपलब्ध छ। अन्य स्टोरमा भने १५ प्रतिशत छुट वा ३ सय रुपैयाँ क्यासब्यक उपलब्ध रहेको छ। यो सुविधा लिनको लागि एनआईसी एशिया बैंकको डेबिट तथा क्रेडिट कार्डमार्फत् भुक्तानी गर्नुपर्ने हुन्छ।
बैंकले हाल मुलुकभर ३५९ शाखा कार्यालयहरू, ४७३ एटीएम, १०३ वटा विस्तारित काउन्टर एवं ८१ वटा शाखा रहित बैंकिङ सञ्चालन गरेर ग्राहकलाई सेवा सुविधा उपलब्ध गराइरहेको छ।
बैंकले वित्तीय समावेशीकरणका लागि मुगु, कालिकोट, बझाङ, रूकुम, जुम्ला, सल्यानजस्ता बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय तहहरुमा शाखा विस्तार गरी सेवा प्रदान गर्दै आइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
