‘स्वतन्त्र मन’ अभियानले युग पाठकलाई समर्थन र सहयोग गर्ने

राजनीति

नेपाल लाइभ शुक्रबार, कात्तिक ४, २०७९ १२:०९

काठमाडौं- ‘स्वतन्त्र मन’ अभियानले प्रतिनिधि सभा निर्वाचनमा झापा- ५ बाट स्वतन्त्र उम्मेदवारी दिएका युग पाठक (दीपककुमार पाठक)लाई समर्थन र सहयोग गर्ने भएको छ। सो अभियानका संयोजक अशोक थापाले बिहीबार विज्ञप्ति जारी गर्दै पाठक लगायत झापा- २ का उम्मेदवार स्वागत नेपाल, झापा- ४ का उम्मेदवार युक्तप्रसाद भेटवाललाई समर्थन गर्ने जानकारी गराएका हुन्।

‘आम जनताबीच फैलिएको निराशा, राजनीतिप्रतिको वितृष्णालाई सकारात्मक ऊर्जा र आशाको अभियानमा परिणत गर्न सक्रिय ‘स्वतन्त्र मन’ले झापा- ५ बाट एउटा नयाँ सन्देश दिँदै देशैभरी आशा र भरोसाको नयाँ परिस्थिति सिर्जना गर्न हामी युग पाठकसँग सक्रिय रहने विश्वास पनि दिलाउन चाहन्छौँ,’ विज्ञप्तिमा भनिएको छ।

संयोजक थापाले अबको लडाइँ विचारको भएको पनि बताए। ‘स्वतन्त्र मन’ संस्थाले राख्ने विचार र युग पाठकले राख्ने विचारको मेल खाएको पनि उनको भनाइ छ। ‘बौद्धिक व्यक्ति, एउटा दृष्टिकोण र क्षमता भएको व्यक्ति देशको कुनै पनि कुनाबाट निर्वाचनमा उम्मेदवार भइदिनुपर्ने छ। उहाँहरुले प्रतिनिधित्व गर्दिनुपर्ने हुन्छ। त्यस्तो व्यक्तित्व झापा- ५ मा आउनुभएको छ,’ उनले भने, ‘उहाँ लगायत स्वागत नेपाल र युक्तप्रसाद भेटवाल उठ्नुभएको छ। हाम्रो उद्देश्य अरु पार्टीका उम्मेदवारको विरोध गर्ने होइन। पार्टीमा राम्रो नेतृत्व आएमा पनि हाम्रो समर्थन रहन्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ऊर्जा क्षेत्रको विकासमा सरकार कटिबद्ध छः मन्त्री खड्का

सन्तान बढी जन्माउन टोकियो सरकारले कर्मचारीलाई हप्तामा ३ दिन बिदा दिने

कांग्रेस महामन्त्री विश्वप्रकाश शर्मासहित पाँच युवाले गरे लोबुचे हिमालकाे सफल आरोहण