सभापतिले नै काठमाडौं- ४ मा लड्नुपर्‍यो भन्नुभयो : महर

राजनीति

नेपाल लाइभ सोमबार, असोज २४, २०७९ १४:०७

काठमाडौं- नेपाली कांग्रेसका केन्द्रीय सदस्य नैनसिंह महरले आफूलाई सभापति शेरबहादुर देउवाले नै काठमाडौं- ४ बाट प्रतिस्पर्धा गर्न भनेको बताएका छन्।

सो क्षेत्रबाट उम्मेदवार बन्ने तय भएका कांग्रेस महामन्त्री गगन थापाको टिकट बालुवाटारबाट महरले लगेको समाचार नेपाल लाइभमा सार्वजनिक भएको थियो।

थापाले सर्लाही-४ बाट निर्वाचनमा प्रतिस्पर्धा गर्ने तयारी गरेको चर्चाकाबीच महरले काठमाडौं-४ को टिकट लिएका थिए। जबकि, उनी कैलालीबाट सिफारिस भएका थिए। त्यस्तै, काठमाडौं- ३ र काठमाडौं- ५ का लागि तयारी पनि गरिरहेको उनको भनाइ छ।

नेता महरले नेपाल लाइभसँग भने, ‘३/४ दिन अगाडि सभापतिले बोलाएर तँलाई काठमाडौं- ४ मा लडाउँछौं। तैंले लड्नुपर्‍यो, गगन उता (सर्लाही) जान्छ भनेपछि मैले ठीकै छ नि भनेको हुँ। शनिबार साढे ६ बजेतिर सभापतिजीले फोन गर्नुभयो। ल यता आउनुहोस् भन्नुभयो। आफ्नो तयारी गर्न भन्नुभयो। टिकट लिएर जा भन्नुभयो। मुख्य सचिवज्यूलाई भनिदिनुभयो।’

उनले त्यतिबेला गगन थापा पनि छेउमै रहेको र आफूले हात मिलाएको बताए। ‘मलाई त दुवैको कुरा भइसकेको होला जस्तो लागेको थियो’, उनले भने।

नेता महरले महामन्त्री आफैंमा संसदीय बोर्डको मान्छे भएको बताउँदै उनैले काठमाडौं- ४ बाट निर्वाचन लड्छु भन्दा आफूले लफडा गर्ने काम नभएको स्पष्ट पारे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा र भैरहवा विमानस्थलको सेवा शुल्क खारेजको निर्णय ६ महिनापछि कार्यान्वयनमा, ३ हजार भाडा घट्ने

झण्डै साढे ८७ अर्बको पेट्रोलियम पदार्थ आयात हुँदा ३७ अर्ब राजस्व संकलन

अमेरिकामा गैरकानुनी रूपमा बस्दै आएका आफ्ना नागरिकलाई फिर्ता गर्न भारत तयार