काठमाडौं– नेपाली कांग्रेसले प्रतिनिधि सभा र प्रदेश सभातर्फ केही उम्मेदवार टुंगो लगाएको छ। कांग्रेस संसदीय बोर्डको बैठकले केही ठाउँमा टिकटको टुंगो लगाएको जानकारी दिएको छ।
जसमा सभापति शेरबहादुर देउवालगायतका उम्मेदवार छन्। प्रधानमन्त्री तथा कांग्रेस सभापति देउवाले डडेल्धुराबाट टिकट पाएका छन्।
यस्तै दार्चुलामा दिलेन्द्र बडू, बाजुरामा बद्रीप्रसाद पाण्डे, अछाम २ मा पुष्प शाह, मुगुमा ऐनबहादुर शाही, मनाङमा टेकप्रसाद गुरुङ, तेह्रथुममा सीता गुरुङ र धनकुटामा सुनिल थापालगायतका उम्मेदवार टुंगो लगाइएको कांग्रेसले जनाएको छ।
यस्तै, प्रदेश सभातर्फ जुम्ला (ख)मा ललितजंग शाही, तेह्रथुम (क)मा सन्तोस सुब्बा र ताप्लेजुङ (ख)मा सिंह वाङवाङ लगायतका उम्मेदवार टुंगो लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
