काठमाडौं- नेकपा एकीकृत समाजवादी पार्टी डोल्पा जिल्ला कमिटी अध्यक्ष तथा कर्णाली प्रदेशका पूर्व पर्यटनमन्त्री नन्द सिंह बुढा नेकपा एमालेमा फर्किएका छन्।
उनीसँगै जिल्ला कमिटीका ४० भन्दा बढी सदस्यहरू, प्रदेश कमिटीका सदस्यहरू र नगर र गाउँपालिका कमिटीका सदस्यहरू गरी ६० भन्दा बढी कार्यकर्ता एमालेमा प्रवेश गरेका छन्।
एमालेका महासचिव शंकर पोखरेलले आज पार्टी केन्द्रीय कार्यालयमा उहाँहरूलाई खादा र अवीर लगाई पार्टीमा स्वागत गरे। बुढा तिनै हुन् तत्काली समयमा मुख्यमन्त्री महेन्द्रबहादुर शाहीको सरकार अल्पमतमा परेका बेला एमालेका अन्य तीन जनासहित बुढाले फ्लोर क्रस गरेका थिए।
पार्टीको ह्वीप उल्लंघन गर्दै उनले फ्रलोर क्रस गरेका थिए। अहिले उनले नेकपा एकीकृत समाजवादीमा भविष्य नभएको भन्दै एमाले प्रवेश गरेका हुन्।
पार्टी प्रवेश गर्नेहरूमा जिल्ला कमिटी सदस्यहरू मायादेवी बुढा, हर्कबहादुर रोकाय, दलबहादुर थापा, देवी रोकाय, जयकृष्ण बुढा, ओमबहादुर विटालु, सुका विक, ओमेन्द्र केसी, कल्पना बुढा, अन्जु महतारा शाही, रूपा गुरूङ, कृष्णदत्त न्यौपाने, धनराम बुढाथोकी, चैता भण्डारी, कमल बहादुर रोकाय, गोविन्द बुढा, शशी बोहोरा बागबहादुर बुढा, केशर रोकाय, दलबहादुर रोकाय, पञ्च रोकाय, भीमबहादुर धरला, आनन्दसिंह रावल, प्रचण्डविक्रम शाही, गोपालबहादुर शाही, तिलकजंग शाही, काले सार्की, हरिशरण खत्री, मनरूपा दर्जी, कैलाशी थापा, रणवीर दमाईं, काले महत, वीरलाल कार्की, कमल बुढा, लक्ष्मी कार्की, बौद्धसिंह कठायत, चन्द्रराम बोहरा, लक्ष्मी गुरूङ, हिराचन्द्र धरला, बालचन्द्र कामी र मानदत्त न्यौपाने रहेको बताइएको छ।
त्यसैगरी, प्रदेश कमिटी सदस्यहरू धर्मलाल बुढा, काली बुढा, अमराम बुढा, देवीबहादुर बुढाथोकी, राष्ट्रिय परिषद् सदस्य देवीलाल रोकाय र बलबहादुर रोकाय पनि एमालेमा प्रवेश गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
