काठमाडौं– सत्तारूढ नेपाली कांग्रेसको शेखर कोइराला समूहले छुट्टै चियापान कार्यक्रम गरेको छ। यो समूहले बिहीबार बिहान काठमाडौंको बत्तीसपुतलीस्थित अनुपम फुडल्यााण्डमा चियापान कार्यक्रम गरेको हो।
कार्यक्रममा कोइरालासहित उपसभापति धनराज गुरुङ, महामन्त्री गगन कुमार थापा, सहमहान्त्री बद्री पाण्डे, नेता मिनेन्द्र रिजाललगायतको उपस्थिति थियो।
यद्यपि, उनीहरूले औपचारिक रूपमा भने केही बोलेनन्। शीर्ष नेताहरू छुट्टै बस्नुपर्ने भनेर उनीहरू चियापानस्थलबाट बाहिरिएका छन्।
कांग्रेसले दशैं, तिहारलगायतका पर्वमा बर्सेनि कोजाग्रत पूर्णिमामा चियापान आयोजना गर्ने परम्परा छ।
तर, पछिल्लो समय समान अवसर र न्यायका लागि भन्दै खबरदारी अभियान चलाइरहेको शेखर-गगन समूहले दशैंको चौंथो दिनै शुभकामना आदानप्रदान तथा चियापान कार्यक्रम गरेको हो।
कांग्रेसले निर्वाचन आयोगमा बुझाएको बन्दसूचीमा शेखर समूहको असन्तुष्टि छ। प्रत्यक्षमा पनि कम्तीमा ४० प्रतिशत सिटको बटमलाइनसहित संस्थापन पक्षलाई दबाब दिँदै आएको छ। यो समूहले बुधबार केन्द्रीय कार्यालयमा धर्ना समेत दिएको थियो।
1664423567.jpg)
1664423567.jpg)
1664423567.jpg)
1664423566.jpg)
1664423566.jpg)
सबै तस्बिर : भूपेन्द्र शाह ठकुरी/नेपाल लाइभ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
