खाद्य व्यवस्था तथा व्यापार कम्पनीले सुरु गर्‍यो खसी–बोका र च्याङ्ग्राको बिक्री

अर्थ समाचार

मनिष अर्याल बुधबार, असोज १२, २०७९ १२:४१

काठमाडौं– सरकारी स्वामित्को खाद्य व्यवस्था तथा व्यापार कम्पनीले दशैंका लागि खसी–बोका र च्याङ्ग्राको बिक्री सुरु गरेको छ।

कम्पनीले बुधबारदेखि काठमाडौंमा खसी–बोका र च्याङ्ग्राको बिक्री सुरु गरेको हो। कम्पनीले दिउँदो खसी–बोका तथा च्याङ्ग्राको बिक्रीमूल्यमा प्रतिकिलो १० रुपैयाँ छुटको व्यवस्था गरेको छ।

कम्पनीले दिउँजो खसी र बोकाको मूल्य प्रतिकिलो ६८० रुपैयाँ निर्धारण गरेको छ। यस्तै, च्याङ्ग्राको मूल्य प्रतिकिलो १ हजार २६० रुपैयाँ निर्धारण गरिएको छ।

प्रतिकिलो १० रुपैयाँ छुटपछि खसी–बोकाको मूल्य ६७० रुपैयाँ पुगेको छ। यस्तै, च्याङ्ग्रा प्रतिकिलो १ हजार २५० रुपैयाँमा बिक्री भइरहेको छ।