सुरक्षा/अपराध

काठमाडौंको कल सेन्टरबाट पक्राउ परेका ५ चिनियाँ र २ भारतीय नागरिक जेल चलान

नेपाल लाइभ आइतबार, असोज ९, २०७९ २०:५०

काठमाडौं– काठमाडौंको तीनकुनेमा सञ्चालित अवैध कल सेन्टरबाट पक्राउ परेका चिनियाँ नागरिक र भारतीय नागरिक गरी ७ जनालाई अदालतले चेल चलान गरेको छ। काठमाडौं जिल्ला अदालतले ५ जना चिनियाँ र २ जना भारतीय नागरिकलाई संगठित अपराधको मुद्दाको पुर्पक्षका लागि जेल चलान गर्ने आदेश दिएको हो।

जिल्ला प्रहरी परिसर काठमाडौंको टोलीले काठमाडौंको तीनकुनेस्थित स्काई वर्ल्ड सर्भिस सेन्टर नामक कल सेन्टरमा छापा मारेर साउन पहिलो साता ३४ जनाभन्दा बढीलाई पक्राउ गरेको थियो।

अवैध तवरले कामदारहरू राखी कल सेन्टर संचालन गरी, सूचनाका विभिन्न प्रकारका प्रविधिमार्फत् धाक–धम्की दिइ, व्यक्तिगत गोपनीयता ह्याकिङ गरी रकमको मोल मोलाइ गर्ने गर्ने गरेको अवस्थामा प्रहरीले उनीहरुलाई पक्राउ गरेको थियो।

यो पनि पढ्नुहोस

चिनियाँ नागरिकले काठमाडौंमा चलाएको कल सेन्टरबाट ३४ जना पक्राउ

पक्राउ परेकामध्ये ५ जना चिनियाँ र २ जना भारतीय नागरिकविरुद्ध मुद्दा चलाइएको थियो।

उनीहरुलाई काठमाडौं जिल्ला अदालतले आइतबार पुर्पक्षका लागि थुनामा पठाउने आदेश गरेको हो। अदालतको आदेशपछि सातै जनालाई केन्द्रीय कारागार जगन्नाथदेवल सुन्धारा चलान गरिएको जिल्ला प्रहरी परिसर काठमाडौंले जानकारी दिएको छ।

यो पनि पढ्नुहोस

चिनियाँ नागरिकले काठमाडौंमा चलाएको कल सेन्टरमा प्रहरीको छापा

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुनाफा आर्जनलाई निरन्तरता दिँदै राष्ट्रिय वाणिज्य बैंक

यी हुन् मन्त्रिपरिषदका १५ निर्णय

५२ अंकले बढ्यो नेप्से , ९ अर्ब माथिको कारोबार