काठमाडौं– निर्वाचन आयोगले आगामी मंसिर ४ गते हुने प्रतिनिधि सभा र प्रदेश सभा निर्वाचनका लागि तोकिएका निर्वाचन अधिकृतकहरुलाई तोकिएको निर्वाचन क्षेत्र नछाड्न निर्देशन दिएको छ।
निर्वाचन आयोगका प्रवक्ता तथा सहसचिव शालिग्राम शर्मा पौडेलले शुक्रबार एक विज्ञप्ति जारी गर्दै आयोगको अनुमतिबिना तोकिएको निर्वाचन क्षेत्र नछाड्न निर्देशन दिएका हुन्।
भदौ ६ गते निर्वाचन आयोगले देशभर भदौ १५ गतेदेखि २० गतेभित्र निर्वाचन अधिकृतको कार्यालय स्थापना गर्ने निर्णय गरेको थियो।
आयोगको निर्णयअनुसार निर्वाचन अधिकृतको कार्यालय स्थापना भएपछि आयोगमा जानकारी गराउन निर्देशन दिइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
