राष्ट्रपतिको कदमविरुद्ध अदालत जानेबारे छलफल गर्दैछौँ : प्रचण्ड

राजनीति

नेपाल लाइभ बुधबार, असोज ५, २०७९ १६:५३

काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको कदमविरुद्ध अदालत जाने विषयमा छलफल गरिरहेको बताएका छन्।

बुधबार आयोजित पार्टी प्रवेश कार्यक्रममा उनले भने, ‘आजैदेखि त्यसका विरुद्ध सडकमा पनि विद्यार्थीहरु, युवाहरु आन्दोलित हुँदैछन्। अहिलेदेखि नै सुरु भइसकेको छ। र हामीले सँगसँगै यो कुरालाई लिएर संविधानको अन्तिम व्याख्या गर्ने अधिकार संविधानको व्यवस्थाले नै अदालतलाई दिएको हुनाले अदालततिर जाने भनेर हामी अधिवक्ताहरुसँग सल्लाह गर्दैछौँ।’

प्रचण्डले संविधानको व्यवस्थाअनुसार राष्ट्रपतिलाई दोस्रोपटक पारित भएर आएको विधेयक प्रमाणीकरण नगर्ने अधिकार र छुट नभएको बताए। ‘तर उहाँले जबर्जस्ती संविधान मिचेर त्यसलाई प्रमाणित नगर्ने काम गर्नुभयो,’ उनले भने।

प्रचण्डले बुधबार बिहानको गठबन्धन बैठकमा आफूहरुले यही विषयमा छलफल गरेको र संयुक्त वक्तव्य दिएको बताए। राष्ट्रपतिको यो कदम संविधान, लोकतन्त्र, गणतन्त्र, समानुपातिक समावेशी मान्यताको विरुद्ध रहेको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मेलम्चीको पाइप फुटेर भेल पसेपछि विशेष अदालतको सुनुवाइ रोकियो

भ्रष्टाचार आरोपमा बंगलादेशी क्रिकेटर सोहेली अख्तरलाई पाँच वर्ष प्रतिबन्ध

जुम्लामा लगातार दोस्रो भूकम्प