हेटौंडा– राप्रपा नेपालका अध्यक्ष कमल थापाले आगामी निर्वाचनमा मकवानपुरको समग्र विकासको निमित्त मकवानपुरे जनताले साझा उम्मेदवारको रुपमा आफूलाई लिने बताए।
हेटौंडा–८ कमानेमा आयोजित पार्टीको कार्यकर्ता भेला कार्यक्रममा बोल्दै अध्यक्ष थापाले यस्तो बताएका हुन्।
उनले कुनै दल र व्यक्तिसँग आफ्नो नराम्रो नभएको र प्रतिशोधी भावना पनि नभएकाले सबैको सहयोग पाउनेमा ढुक्क रहेको बताएका हुन्। उनले मकवानपुरको अधुरो विकासको सपना पूरा गर्न आफू चुनावी मैदानमा उत्रिएको दाबी गरे।
उनले अहिले मुलुकले एउटा राष्ट्रवादी प्रजातान्त्रिक शक्ति खोजिरहेको भन्दै स्वाभिमानी देशभक्तहरु एक ठाँउमा उभिनुपर्ने समय आएको टिप्पणी गरे। प्रदेश राजधानी बनाउन आफूले महत्त्वपूर्ण भूमिका निर्वाह गरेको चर्चा गर्दै अध्यक्ष थापाले स्थानीय युवाहरुलाई रोजगारीका अवसर सिर्जना गर्न, रिङ्ग रोड निर्माण गर्न, विश्वविद्यालय स्थापना गर्न, हेटौंडा -काठमाडौं सुरुङ मार्ग निर्माण गर्न, शिक्षा, स्वास्थ, खानेपानीको क्षेत्रमा काम गर्न आफू दत्तचित्त भएर लाग्ने प्रतिबद्धता व्यक्त गरे।
मकवानपुरको विकासको काम सम्पन्न गर्न अझै केही काम अधुरो रहेकोले त्यो सम्पन्न गर्न आफू लाग्ने उनको भनाइ थियो। थापाले संकटको बेलामा साथ दिने मित्र हुने, घाउमा नुनचुक दल्ने मित्र हुन नसक्ने समेत टिप्पणी गरे।
भेलाले विनोद लामिछानेको अध्यक्षतामा २३ सदस्यीय राप्रपा नेपाल वडा इकाई कमिटी पुनर्गठन पनि गरेको छ। कार्यक्रममा पार्टीका महामन्त्री राजाराम बर्तौला, अर्जुन ढुंगाना, भृगु कार्की लगायतले बोलेका थिए।
कमिटीको सदस्यहरुमा सन्तबहादुर कार्की, कृष्ण आचार्य, दीपक विक्रम अधिकारी, बिलास रिमाल, अरुण घलान, रामहरी अधिकारी, सुरेन वाईवा, सन्तोशी शाह, सपना कार्की, पार्बती अधिकारी, सलिल लो, रामकुमार अधिकारी, सीता महत, कल्याण अधिकारी लगायत रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751372795.jpg)
-1751267101.jpg)
-1751273553.jpg)
-1749826086.png)
