काठमाडौं- नेकपा एमालेका सांसद कृष्णभक्त पोखरेलले चोलेन्द्र शमशेर राणाविरुद्ध दायर भएको महाभियोग सम्भवत: अर्को संसदमा नजाने दाबी गरेका छन् ।
महाभियोग छानबिन समितिको बैठकपछि पत्रकारसँग कुरा गर्दै उनले राणाविरुद्ध महाभियोग दायर गर्ने सांसदहरु नै नरहने भएकाले उनको प्रस्ताव चाहिं संसदमा नियमित हुन नसक्ने बताए । उनले आगामी संसदमा जाने अभ्यास, नियमावली र अन्य केही पनि नभएकाले जान सक्ने सम्भावना नभएको तर सर्वोच्चले व्याख्या गरेमा जान पनि सक्ने बताए ।
उनले उजुरीकर्ताहरु नै नरहने अवस्थामा स्वत: जाने भन्ने तर्कमा आधार नभएको उनले बताए । उनले भारत र अमेरिकाको उदाहारण नेपालमा लागू हुन नसक्ने भन्दै यही संसदको अवधिमा समाप्त हुने बताए । राणा सर्वोच्च फर्कन्छ कि फर्किँदैनन् भन्ने कुरा उनीमाथि नै निर्भर रहने भन्दै पोखरेलले महाभियोग भने शून्यमै जाने त्यसपछि के गर्ने राणाकै निर्णय हुने उनले बताए । उनले महाभियोगसम्बन्धी प्रस्ताव फागुन १ गते दर्ता भएको तर लामो समयसम्म कसले रोकेको हो, किन ढिलाई गरियो भन्ने प्रश्न आफूहरुले उठाउँदै आएको उनले बताए ।
‘भोलिसम्म हामी एउटा निष्कर्षमा पुग्छौं । सकेसम्म सर्वसम्मत गर्ने प्रयास गर्छौं’ उनले भने, ‘नभए बहुमतले निर्णय होला ।’ एमाले चोलेन्द्रको पक्षमा नरहने भन्दै तथ्य प्रमाण हेरेर जे हुन्छ त्यही निर्णय गर्ने उनले बताए । संसदको पदावधी सकिन्छ भन्ने विगतको अभ्यासमा टेकेको भन्दै उनले संसद्ले महाअभियोग नलगाएकाले निरन्तर नहुने उनको दाबी छ ।
‘महाभियोग संसद्का केही सदस्यहरूले लगाएको हो । केही व्यक्तिहरूले लगाएको हुनाले अर्को संसदमा निरन्तर हुँदैन ’ उनले भने, ‘जसले महाभियोग लगाए उनीहरू फेरि निर्वाचित भएर आउँछन् वा आउँदैनन् भन्ने कुराको टुंगो छैन, महाभियोग लगाउनेहरू नै नभएको अवस्थामा प्रस्तावमा फेरि छलफल गर्ने कुरा उचित हुँदैन ।’
Enter
Bhupendra
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
