काठमाडौं– महाभियोग सिफारिस समितिको अन्तिम प्रश्नमा निलम्बित प्रधानन्यायाधीश चोलेन्द्र शमशेर राणाले प्रतिनिधि सभा विघटन सम्बन्धी फैसला नै जड भएको दाबी गरेका छन्।
उनले २०७८ जेठ ७ गते मध्यरातमा भएको दोस्रो विघटनको फैसला नै आफूमाथि महाभियोग लाग्नुको जड भएको टिप्पणी गरेका छन्।
समितिका सभापति रामबहादुर विष्टले ४३औं प्रश्नमा ‘तपाईंलाई लागेका महाभियोगका आरोपका सम्बन्धमा निर्दोष छु भन्ने प्रमाण पेस गर्न चाहनुहुन्छ भने पेस गर्न सक्नुहुन्छ। केही छन्? भनेर सोधेका थिए।
उक्त प्रश्नपछि राणाले यसअघि नै धेरै कुरा आफूले उल्लेख गरेको भन्दै अन्तिम भनाइका रूपमा आफूमाथि लगाएका सबै आरोप सैद्धान्तिक मात्र भएकोले निष्क्रिय पारिदिन आग्रह गरे।
‘मलाई महाभियोगको प्रस्ताव भएको छ। यसमा छानविन गर्न संसद्ले तपाईंहरुलाई अधिकार दिएको छ’ उनले भने, ‘यो इतिहासमा विरलै आउँछ। तर, नेपालमा पटक–पटक दोहोरिएको छ। यो दु:खद् पनि छ। प्रधानन्यायाधीशको पनि न्यायाधीश हुने सौभाग्य समितिलाई छ। न्यायको मूल्य र मान्यतालाई महसुस गरेर निर्णय लिनुहुनेछ।’
उनले प्रधानन्यायाधीशलाई अन्याय परेको देखिन नहुने भन्दै प्रमाणबाट देखिएमा दोषी ठहर गर्न नत्र देशलाई निकास दिने गरि काम गर्न आग्रह गरे। राणाले आरोपहरू निरर्थक र केही राजनीतिक मुद्दाको परिणामबाट आएको दाबी गरे।
‘फैसलाको पूर्वानुमान गरेर प्रधानन्यायाधीशलाई काम गर्न दिनु हुँदैन भनेर महाभियोग दायर भएको हो’, उनले भने, ‘त्यसको जड भनेको प्रतिनिधि सभा विघटनको दुई वटा मुद्दा हो। अझै भनौं दोस्रो फैसला मुख्य जड हो। यी आरोपहरु कृत्रिम हुन्। निष्क्रिय गरिनुपर्छ।’
उनले कात्तिक ८ गते देखि आफूलाई काम गर्न नदिने योजना अनुसार आन्दोलन समेत भएको र महाभियोग दायर भएर साढे ६ महिनादेखि निलम्बनमा रहेको सुनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
