काठमाडौं– सर्वोच्च अदालतका निलम्बित प्रधानन्यायाधीश चोलेन्द्र शमशेर राणाले संवैधानिक इजलास रोक्न सेटिङ गरेको आरोप अस्वीकार गरेका छन्।
संवैधानिक निकायमा भएको ५२ नियुक्ति सम्बन्धी मुद्दा रोक्न डमी रिट निवेदक खडा गरि रिट दायर भएको थियो। गणेश रेग्मीका नामबाट रिट दायर भएको थियो। समितिले मंगलबार यही विषयमा गरेको प्रश्नमा राणाले यो मुद्दा अझै बाँकी रहेको दाबी गरेका छन्।
तर, राणाको यो दाबी गलत छ। यो मुद्दा खारेज हुँदै सर्वोच्चले व्याख्या गरिसकेको छ। सर्वोच्चले यस्ता डमी रिट निवेदनहरुमा कडाइ गर्नुपर्ने समेत भनेको छ।
राणाले संवैधानिक नियुक्ति सम्बन्धी मुद्दामा आफूले हेर्दिनँ भनेर अलग भएकाले यो आरोप गलत भएको जवाफ दिए। उनले पुष्टि नै नहुने आरोप लगाइएको दाबी गरे। रेग्मीले संवैधानिक इजलासमा प्रधानन्यायाधीश अलग हुन मिल्दैन भन्दै रिट दायर गरेका थिए।
उक्त रिट राणाले प्रधानन्यायाधीशको रुपमा हरि फुयाँलको इजलासमा पेसी तोकेका थिए। भोलिपल्ट हुने संवैधानिक इजलासको सुनुवाइ उक्त इजलासले रोक्ने अन्तरिम आदेश जारी गरेको थियो। संवैधानिक नियुक्ति सम्बन्धी मुद्दा भने हाल पनि सर्वोच्चमा विचराधीन छ।
राणाले क्यासिनोलाई राजश्व तिर्न नपर्नेपरि आदेश गरेको आरोप पनि गलत भएको दाबी गरे। उनले एभरेष्ट होटलले क्यासिनोको कर नतिर्ने सम्बन्धी विवादमा तिर्नुपर्छ भनि आदेश गरेको उल्लेख गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
